Дар вилояти Хатлон 1360 адад муассисаҳои таҳсилоти умумӣ фаъолият мекунанд
ДУШАНБЕ, 01.09.2021. /АМИТ «Ховар»/. Дар соли нави таҳсили 2021-2022 дар вилояти Хатлон 50 адад муассисаҳои таҳсилоти олӣ, миёна ва ибтидоии касбӣ бо фарогирии 90 ҳазор нафар донишҷӯёну хонандагони касбомӯз ва дар 1360 адад муассисаҳои таҳсилоти умумӣ 800 ҳазор нафар хонанда ба таълим фаро гирифта мешаванд, ки ба онҳо зиёда аз 50 ҳазор нафар олимону устодон, омӯзгорон, мураббиён ва устоҳои таълимӣ-истеҳсолӣ дарс хоҳанд гуфт, иттилоъ доданд аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар».
Дар назар аст, ки дар соли таҳсили имсола теъдоди наврасони синфи 1 зиёда аз 100 ҳазор нафарро ташкил диҳад.
Рӯзи дониш ва Дарси сулҳ дар тамоми муассисаҳои таълимии вилояти Хатлон чун анъана бо сурудани Суруди миллӣ ва тамошои дастҷамъонаи суханронии Сарвари давлат аз ҷониби хонандагону омӯзгорон оғоз гардид.
Дар вилояти Хатлон бахшида ба 30-солагии Истиқлоли давлатии Ҷумҳурии Тоҷикистон баҳри мустаҳкамкунии заминаҳои моддӣ-таълимӣ ва техникии муассисаҳои таълимӣ ва томактабии шаҳру ноҳияҳои вилоят 722 адад иншооти соҳаи маориф, аз ҷумла 73 адад муассисаи томактабӣ ва 649 адад мактаби нав, бинои таълимӣ ва синфхонаҳои иловагӣ бунёд ва таъмиру навсозӣ гардида, мавриди истифода қарор дода шуданд.
АКС аз бойгонии АМИТ «Ховар»
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Имрӯз дар Тоҷикистон ҳаво то 41 дараҷа гарм мешавад
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
