Миёни Вазорати меҳнат, муҳоҷират ва шуғли аҳолии Тоҷикистон ва «Маркази бисёрсамтаи муҳоҷират»-и Москва Ёддошти тафоҳум баимзо расид
ДУШАНБЕ, 14.09.2021 /АМИТ «Ховар»/. 13 сентябри соли 2021 вохӯрии Вазири меҳнат, муҳоҷират ва шуғли аҳолии Ҷумҳурии Тоҷикистон Амонзода Ширин Шодӣ бо директори генералии МД «Маркази бисёрсамтаи муҳоҷират» дар шаҳри Москва, Балдин Сергей Александрович баргузор гардид, иттилоъ доданд аз маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон ба АМИТ «Ховар».
Зимни вохӯрӣ масъалаҳои марбут ба муҳоҷирати меҳнатӣ дар ҳудуди шаҳри Москва, рушди ҳамкориҳои минбаъда ва ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатӣ дар шаҳри Москва мавриди баррасӣ қарор гирифт.
Ҳамзамон дар вохӯрӣ маросими баимзорасонии Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Муассисаи давлатии буҷавии шаҳри Москва — “Маркази бисёрсамтаи муҳоҷират” баргузор гардид.
Бояд ќайд кард, ки Ёддошти тафоҳуми мазкур дар натиҷаи сафари кории қаблан анҷомдодаи Раиси шаҳри Душанбе муҳтарам Рустами Эмомалӣ ба Федератсияи Руссия ва мулоқоту гуфтугӯи судманди ӯ бо Раиси Шӯрои федеративии Федератсияи Руссия Валентина Матвиенко таҳия карда шудааст.
Муқаррароти асосии Ёддошти тафоҳум рушди минбаъдаи ҳамкориҳои дуҷониба дар асоси созишномаҳои мавҷуда, аз ҷумла татбиқи Созишномаи байни Ҳукумати Ҷумҳурии Тоҷикистон ва Ҳукумати Федератсияи Россия оид ба ҷалби муташаккилонаи шаҳрвандони Ҷумҳурии Тоҷикистон барои амалӣ намудани фаъолияти меҳнатии муваққатї дар ҳудуди Федератсияи Россия мебошад.
Дар доираи ин Ёддошти тафоҳум тарафҳо дар самти машваратдињии муҳоҷирони меҳнатӣ оиди бокортаъминшавӣ, тартиби гирифтани ҳуҷҷатҳои зарурї барои бокортаъминшавӣ, воридшавӣ ва назорати будубоши муҳоҷирон дар шаҳри Москва ҳамкорӣ менамоянд. Инчунин, бо розигии тарафҳо дар доираи Ёддошти тафоҳум имконияти дар оянда таъсис додани намояндагии “Маркази бисёрсамтаи муҳоҷират”-и шаҳри Москва дар шаҳри Душанбе ва бо назардошти талабот дар дигар минтақаҳои ҷумҳурӣ дар назар аст.
Таъсиси намояндагии мазкур барои баланд бардоштани сифати хизматрасонӣ дар самти муҳоҷират, машваратдиҳӣ ба корфармоён, ба роҳ мондани корҳои фаҳмондадиҳӣ оид ба риояи қонунгузории Федератсияи Россия, бокортаъминкунии шаҳрвандон дар ҳудуди шаҳри Москва ва соддагардонии раванди бақайдгирии муҳоҷирони меҳнатӣ мусоидат менамояд.
АКС: Вазорати меҳнат, муҳоҷират ва шуғли аҳолии ҶТ
Дар Душанбе оид ба дастгирии экосистемаи стартапҳо дар Тоҷикистон ҳамоиш баргузор гардид
Сарвазири мамлакат Қоҳир Расулзода бо раванди сохтмони корхонаи ғанигардонии маъдани оҳани ҶСП «Комбинати металлургии тоҷик» шинос шуд
«Moody’s Ratings»: Рейтинги соҳибихтиёрии қарзии Тоҷикистон ба дараҷаи «B2» бо дурнамои «устувор» баланд бардошта шуд
Самтҳои асосии Паёми Президенти Тоҷикистон ба Маҷлиси Олӣ дар Хадамоти гумрук тавзеҳ дода шуданд
Вазирони энергетикаи Тоҷикистон ва Покистон дурнамои рушди ҳамкориро дар соҳаи энергетика баррасӣ намуданд
Сардори Хадамоти алоқа дар Конгресси ҷаҳонии мобилӣ дар Испания иштирок намуд
Ҷаласаи ёздаҳуми Шурои миллии суботи молиявӣ дар Ҷумҳурии Тоҷикистон баргузор гардид
Дурнамои нишондиҳандаҳои рушди иҷтимоию иқтисодии шаҳру ноҳияҳои Роғун, Ваҳдат, Файзобод ва Варзоб муаррифӣ карда шуд
Тоҷикистон ва Туркманистон ҳамкориро дар соҳаи саноати нассоҷӣ тақвият медиҳанд
Дар Вазорати молияи Тоҷикистон татбиқи лоиҳаҳои нақлиёту энергетика баррасӣ гардид
Дар Палатаи ҳисоб оид ба пешгирӣ ва муқовимат ба коррупсия машварат баргузор шуд
Дар Душанбе Протоколи ҷаласаи 14-уми Комиссияи муштараки байниҳукуматии Тоҷикистон ва Туркманистон ба имзо расид
