Назокат Одиназода дар иртибот ба Фармони Президент: дар чор моҳи соли равон барои кормандони Академияи миллии илмҳои Тоҷикистон 5,4 млн сомонӣ ҷудо мегардад
ДУШАНБЕ, 23.09.2021 /АМИТ «Ховар»/. Тавре қаблан итттилоъ дода будем, бо мақсади дастгирии давлатӣ ва тақвияти вазъи иҷтимоии кормандони Академияи миллии илмҳои Тоҷикистон ва муассисаҳои тобеи он Фармони Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз 20 сентябри соли равон «Дар бораи зиёд намудани андозаи маоши амалкунандаи вазифавии кормандони Академияи миллии илмҳои Тоҷикистон ва муассисаҳои тобеи он» ба тасвиб расид.
Сардори шуъбаи идоракунии буҷети соҳаи тандурустӣ, варзишӣ ва ҳифзи иҷтимоии Сарраёсати буҷети давлатии Вазорати молияи Ҷумҳурии Тоҷикистон Назокат Одиназода дар суҳбат бо хабарнигори АМИТ «Ховар» иброз намуд, ки дар асоси фармони мазкур музди маоши амалкунандаи кормандони Академияи миллии илмҳои Тоҷикистон ва муассисаҳои тобеи он ба ҳисоби миёна ба андозаи 28 фоиз зиёд гардид.
Мавсуф зикр дошт, ки барои амалӣ намудани фармони Президенти Ҷумҳурии Тоҷикистон аз 20 сентябри соли равон «Дар бораи зиёд намудани андозаи маоши амалкунандаи вазифавии кормандони Академияи миллии илмҳои Тоҷикистон ва муассисаҳои тобеи он» аз ҳисоби буҷети давлатӣ ба ҳисоби миёна дар 4 моҳи соли равон 5,4 млн сомонӣ ва барои соли молиявӣ 16,2 млн сомонӣ ҷудо мегардад.
Ба гуфти мавсуф, фармони мазкур ҷиҳати иҷрои банди 41 Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки зимни мулоқот бо кормандони соҳаҳои илму маориф ва аҳли эҷоди мамлакат 18 марти соли 2020 баён карда шудаанд, амалӣ гардид.
АКС: АМИТ «Ховар»
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
