ОМОДАГӢ БА ЗИМИСТОН. Кормандони Шабакаи тақсимоти барқ дар Кӯлоб ба таъмири трансформаторҳо ва санҷиши хатҳои барқӣ машғуланд
КӮЛОБ, 12.09.2021 /АМИТ «Ховар»/. Кормандони филиали ҶСК Шабакаи тақсимоти барқ дар шаҳри Кӯлоб дар ин рӯзҳо ба таъмири трансформатор, санҷиши хатҳои барқӣ ва таъмири техника сафарбар гардида, кӯшиш доранд, ки дар фасли зимистон ягон мушкилӣ сабаби бебарқӣ нагардад. Айни ҳол шароити кормандони шабакаҳои барқӣ хуб ба роҳ монда шуда, онҳо бо либосҳои махсуси корӣ, таҷҳизоти алоқавӣ ва дигар шароити зарурӣ таъмин мебошанд.
Тавре роҳбари филиал Ғайратшо Маҳмуродзода ба хабарнигори минтақавии АМИТ «Ховар» иттилоъ дод, мушкили асосӣ дар кор- ин иваз кардани симчӯбҳо буд, ки айни ҳол 60%-и симчӯбҳо дар ноҳияҳои Муъминобод, Шамсиддини Шоҳин, Мир Сайид Алии Ҳамадонӣ ва ноҳияи Фархор иваз карда шуданд.
Ба гуфти сардори Хадамоти механизатсия ва нақлиёти филиал Фаррух Забиров, дар минтақа 126 техника фаъол буда, бо дастгирии директори генералии ҶСК Шабакаҳои тақсимоти барқи Ҷумҳурии Тоҷикистон Умедҷон Билолзода, сӯзишворӣ, қисмҳои эҳтиётӣ, таҷҳизоти барқӣ, симчӯб ва дигар таҷҳизоте, ки ба барқ вобастагӣ доранд, сари вақт дастрас карда мешаванд.
Инчунин аз ҷониби масъулини филиал баҳри риояи ҳатмии техникаи бехатарӣ моҳе як маротиба бо кормандони шабакаҳои барқи шаҳру ноҳияҳо вохӯрӣ ва аз рӯи дастурамал омӯзиш мегузаронанд.
Баҳри таъмини муътадили барқ ба аҳолӣ дар минтақаи Кӯлоб дар ду соли охир ду зеристгоҳи барқии 35 ба 10 киловатта ба истифода дода шуда, инчунин 32 адад трансформатор насб карда шуд. Кашонидани хатҳои интиқоли барқи 0,4-киловатта дар шаҳри Кӯлоб ва хати барқии 35-киловатта дар масофаи 1,8 км дар мавзеи Ҷамоати деҳоти Чилдухтарони ноҳияи Муъминобод идома дорад.
АКС аз манбаъҳои боз
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
