Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Ҷумҳурии Қазоқистон Қосим-Жомарт Токаев мулоқот намуданд
ДУШАНБЕ, 24.09.2021. /АМИТ “Ховар”/. Имрӯз дар ҳошияи сафари расмӣ ба Ҷумҳурии Қазоқистон Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалиро Президенти Ҷумҳурии Қазоқистон муҳтарам Қосим-Жомарт Токаев ба ҳузур пазируфтанд. Дар ин бора ба АМИТ “Ховар” Маҷлиси миллии Маҷлиси Олии Ҷумҳурии Тоҷикистон хабар доданд.
Зимни мулоқот бо Президенти Ҷумҳурии Қазоқистон маҷмӯи масъалаҳои муносибатҳои дуҷонибаи Тоҷикистону Қазоқистон, аз ҷумла дар самти робитаҳои байнипарламентӣ мавриди баррасӣ қарор дода шуданд.
Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ ҷиҳати ҷудо намудани қитъаи замин барои сохтмони маҷмааи биноҳои Сафорати Ҷумҳурии Тоҷикистон, ба яке аз кӯчаҳои пойтахти Ҷумҳурии Қазоқистон гузоштани номи устод Абӯабдуллоҳи Рӯдакӣ ва бунёди нимпайкараи ӯ, ба Президенти Ҷумҳурии Қазоқистон изҳори сипос намуданд.
Ҳамчунин зимни баррасии масъалаҳои мавриди таваҷҷуҳи ҷонибҳо ба муносибатҳои тиҷоративу иқтисодӣ, фарҳангиву гуманитарии ду кишвар таваҷҷуҳи махсус зоҳир карда шуд.
Бо назардошти вазъияти мураккаби Афғонистон, таҳдиду хатарҳои нав дар минтақа ва зарурати таҳкими сарҳади байни Тоҷикистону Афғонистон, зикр гардид, ки ҳамкорӣ дар самти ҳарбию техникӣ яке аз масъалаҳои мубрам ба ҳисоб меравад.
АКС аз Маҷлиси миллии Маҷлиси Олии ҶТ
Дар Маҷлиси намояндагон муҳокимаи парламентӣ доир гардид
Дар Душанбе густариши робитаҳои байнипарламентии Тоҷикистону Фаронса баррасӣ гардид
Файзалӣ Идизода бо Элза Пинёл густариши робитаҳои байнипарлумонии Тоҷикистону Фаронсаро баррасӣ намуд
Ҷаласаи навбатии Шурои Маҷлиси намояндагон доир гардид
СИЁСАТИ МУВАФФАҚИ ПРЕЗИДЕНТИ ТОҶИКИСТОН. Шарикии стратегӣ дар доираи аҳдномаи дӯстӣ тақвият меёбад
Вакили Маҷлиси намояндагон дар ҷаласаи 23-юми тирамоҳии Ассамблеяи парлумонии САҲА иштирок дорад
Файзалӣ Идизода бо Раиси Кумитаи Думаи давлатии Федератсияи Русия вохӯрӣ намуд
Ҷаласаи 59-уми пленарии Ассамблеяи байнипарламентии давлатҳои иштирокдори ИДМ баргузор гардид
Дар Душанбе ҷаласаи 59-уми пленарии Ассамблеяи байнипарламентии давлатҳои иштирокдори ИДМ оғоз шуд
Ҳайати сарони кишварҳои аъзои Ассамблеяи байнипарламентии ИДМ дар пояи муҷассамаи Исмоили Сомонӣ гулчанбар гузоштанд
Валентина Матвиенко ба муҳлати нав Раиси Шурои Ассамблеяи байнипарламентии давлатҳои иштирокдори ИДМ интихоб гардид
