Соҳибкори маҳаллӣ дар Тоҷикобод ба 30 оилаи маъюбу камбизоат кумаки моддӣ расонид
ТОҶИКОБОД, 09.09.2021 /АМИТ «Ховар»/. Бо дастгирии раиси ноҳияи Тоҷикобод Қадриддин Фақерзода ва саҳми соҳибкори маҳаллӣ Собирҷон Аҳмадов ба муносибати ҷашни муқаддасу бузурги миллӣ – сиюмин солгарди Истиқлолияти давлатии Тоҷикистон ҷиҳати дастгирии ниёзмандону маъюбон ба 30 оилаи маъюбу ниёзманд кумаки моддӣ, аз қабили 50-килограммӣ орд ва равғану макарон расонида шуд.
Дар доираи амалӣ гардонидани сиёсати иҷтимоии давлат ва ҳукумати кишвар Мақомоти иҷроияи ҳокимияти давлатии ноҳияи Тоҷикобод бобати хидмат ба ниёзмандон, эҳтиёҷмандон ва маъюбон пайваста талош меварзад. Чунки хайру саховат ба ниёзмандону маъюбон ва ба ғамхорӣ фаро гирифтани ин қишри ҷомеа аз сиёсати пешгирифтаи Пешвои миллат муҳтарам Эмомалӣ Раҳмон бармеояд.
Ёдовар мешавем, ки Пешвои миллат муҳтарам Эмомалӣ Раҳмон дар Паёмҳои худ аз анҷом додани корҳои хайру савоб сухан гуфта, таъкид менамоянд, ки «лутфу эҳсон ба наздикону атрофиён, дасти фитодаеро гирифтан, аз рӯи тавону имконият ба ятимону маъюбон ва оилаҳои камбизоату бесаробон кумак кардан, худдорӣ намудан аз ҳама гуна амалҳои ношоиста, доштани забони пок, муомилаи хуб, ахлоқи нек ва даҳҳо арзишҳои дигаре ҳастанд, ки риояву гиромидошти онҳо зарур мебошад».
АКС: АМИТ «Ховар»
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
Имрӯз дар шаҳри Душанбе ҳаво то 40 дараҷа гарм мешавад
