Ҷабҳаи зидди толибон дар вилояти Каписои Афғонистон ҷанги партизанӣ эълон кард
ДУШАНБЕ, 20.10.2021 /АМИТ «Ховар»/. Ҷабҳаи муқовимати миллии Афғонистон бо раҳбарии Аҳмад Масъуд, писари роҳбари эътилофи зидди толибон Аҳмадшоҳи Масъуд аз оғози муборизаи мусаллаҳона бар зидди ҷангиёни ҳаракати «Толибон»* дар вилояти Каписо хабар дод. Дар ин бора АМИТ «Ховар» бо истинод ба INTERFAX.RU иттилоъ медиҳад.
Дар паёми видеоии Ҷабҳа, ки дар сомонаи хабаргузории иттилоотии Афғонистон Aamaj News нашр шудааст, гуфта мешавад, ки муборизони Ҷабҳаи муқовимат дар қатори Панҷшер ва Андароб дар вилояти Каписо низ бар зидди толибон ҷанги мусаллаҳи партизанӣ мебаранд.
Дар пасманзари хуруҷи неруҳои ИМА ва НАТО моҳи август аз Афғонистон ҷангҷӯёни ҳаракати «Толибон»* қариб ҳамаи музофоти кишварро тақрибан бидуни ҷанг забт карданд. 15 август радикалҳо пойтахти кишвар- Кобулро низ бе ҷанг гирифтанд, ки пас аз он президент Ашраф Ғанӣ ва аъзои ҳукумати ӯ аз он ҷо фирор карданд.
Баъдан, тӯли беш аз ду ҳафта толибон, ки аз ҳисоби ҷангиёни кушташуда ва асирафтодаашон талафоти зиёд дида буданд, кӯшиш карданд ба ягона вилояти забтнашуда- Панҷшер ҳамла кунанд. 6 сентябр онҳо аз забти водӣ хабар доданд. Аммо намояндагони Ҷабҳаи муқовимати миллии зидди толибон иддао доранд, ки радикалҳо бо кумаки авиатсияи Покистон тавонистанд танҳо дараи асосии Панҷшерро ишғол кунанд ва ҳамаи 23 дараи дигари минтақа таҳти назорати ҷабҳа қарор доранд. Ба иттилои ҷабҳа, ҳамзамон бо Панҷшер дар водии Андароби музофоти Бағлони ҳамсоя низ муқовимати мусаллаҳона ташкил шудааст.
________________________________
* «Толибон» — ташкилоти террористии мамнӯъ дар Тоҷикистон, Русия ва дигар давлатҳо
АКС: AP 2021








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






