Бахшида ба Рӯзи ҷаҳонии коҳиши хатари офатҳо дар Душанбе силсилачорабиниҳо гузаронида шуданд

Октябрь 6, 2021 14:36

ДУШАНБЕ, 06.10.2021 /АМИТ «Ховар»/.  Бахшида ба Рӯзи байналмилалии коҳиши хатари  офатҳои табиӣ аз 28 сентябр то 5 октябр бо ташаббуси Раёсати Кумитаи ҳолатҳои фавқулода ва мудофиаи гражданӣ дар шаҳри Душанбе  дар муассисаҳои таҳсилоти миёни умумии ноҳияҳои пойтахт сислсилачорабиниҳо баргузор шуданд, хабар медиҳад АМИТ «Ховар» бо истинод ба Кумитаи ҳолатҳои фавқулода ва мудофиаи гражданӣ.

Ин чорабиниҳо бо ширкати васеи донишомӯзону муаллимон гузаронида шуда, кормандони бахши наҷот, ҳамчунин мутахассисони самтҳои дигар миёни иштирокдорон сухан гуфта, машқҳои муҳими наҷотро намоиш доданд.

Дар ин суҳбату мулоқотҳо дар бораи роҳу шеваҳои пешгирӣ аз сирояти коронавирус ва дигар бемориҳои гузаранда, ҳамчунин қоидаҳои бехатарӣ дар роҳҳо, об ва ғайра суҳбатҳои муфид анҷом ёфтанд.

Зимни баргузории чорабинии мазкур миёни хонандагони муассисаҳои таълимии шаҳри Душанбе Дастаи махсуси зудамали наҷот рӯзи дарҳои кушод бо намоиши техникаи махсуси садамавию наҷот ва амалиёти ҷустуҷӯиву наҷотдиҳӣ гузаронид.

Ёдовар мешавем, ки Ассамблеяи генералии СММ 13 октябрро Рӯзи ҷаҳонии коҳиши хатари офатҳо эълон кардааст, ки ҳадафи он мусоидат ба фарҳанги ҷаҳонии коҳиши хатари офатҳои табиӣ мебошад. Ин имконест, ки пешрафтҳои ба дастомада дар масъалаҳои коҳиши хатари офатҳо ва талафоти ҷонӣ, воситаҳои зиндагӣ мутобиқ ба Барномаи қолабии Сендай оид ба коҳиши хатари офатҳо дар солҳои 2015-2030, ки дар Сеюмин конфронси ҷаҳонии коҳиши хатари офатҳои СММ дар Ҷопон моҳи марти соли 2015 қабул шудааст, эътироф карда шаванд.

Соли 2016 Дабири кулли СММ «Маъракаи Сендай ҳафт»-ро барои ҳар хонавода дар муддати ҳафт сол роҳандозӣ намуд. Ҳадаф: «Афзоиши чашмгири ҳамкории байналмилалӣ бо кишварҳои дар ҳоли рушд бо ироаи ҳимояти кофӣ ва пойдор аз онҳо барои ҳимоят аз иқдомоти миллии онҳо барои иҷрои ин барнома барои то соли 2030» мебошад.

АКСҲО: КҲФ ва МГ

Октябрь 6, 2021 14:36

Хабарҳои дигари ин бахш

Дар Панҷакент дар масоҳати як гектар гармхонаи замонавӣ бунёд мегардад
Дар ноҳияи Кӯҳистони Мастчоҳ бинои нави маъмурии кумитаи идораи замин бунёд мешавад
Директори Агентии хизмати давлатӣ: «Аксарияти сомонаҳои мақомоти давлатии шаҳру ноҳияҳо аз ҷиҳати мазмуну муҳтаво ба талабот ҷавобгӯ нестанд»
Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид