Дар доираи ИДМ ташкилоти нав оид ба тайёр кардани рӯзноманигорон таъсис дода мешавад

Октябрь 29, 2021 14:09

ДУШАНБЕ, 29.10.2021 /АМИТ «Ховар»/. Ташкилоти нави таълимӣ оид ба тайёр кардани рӯзноманигорон дар доираи кишварҳои Иттиҳоди Давлатҳои Мустақил (ИДМ) таъсис дода мешавад, гуфт мушовири Кумитаи иҷроияи ИДМ Галина Казак қабл аз анҷумани VI омӯзгорону мутахассисони кишварҳои аъзои ИДМ, ки панҷшанбеи 27 октябр дар Душанбе ба кори худ шурӯъ кард. Дар ин бора ТАСС хабар медиҳад. 

«Бо дархости кишварҳои иштирокунанда мо барои таъсиси як созмони нави заминавии таълимӣ барои тайёр кардани кадрҳои баландихтисоси журналистӣ кор хоҳем кард», — гуфт Казак ба хабарнигорон.

Ба гуфтаи вай, лоиҳаи қарори Шӯрои вазирони корҳои хориҷӣ аллакай таҳия ва барои тасдиқ ба ҳукумат фиристода шудааст.

Вай ҳамчунин зарурати коркарди рақамикунонии маорифро зикр  кард. «Имрӯз мо ба лоиҳаҳои зиёде аз ҷиҳати маориф <…>, [аз ҷумла] мавзӯи рушди таҳсилоти педагогӣ таваҷҷуҳ дорем. Имрӯз дар боғчаи кӯдакона, мактаб, донишгоҳ бояд мутахассиси соҳаи худ, ки касбашро дӯст медорад, кор кунад», — таъкид кард мушовир.

Казак тавзеҳ дод, ки конгресс натиҷаи Фестивали якуми байналмилалии малакаҳои педагогиро ҷамъбаст мекунад, ки дар доираи он омӯзгорони кишварҳои ИДМ аз рӯи номинаҳои «Омӯзгор», «Мураббӣ», «Муаллим/психологи иҷтимоӣ» иштирок намуда, диплом мегиранд, инчунин дарсҳои маҳорат мегузаронанд.

Дар Анҷумани омӯзгорон ва кормандони маориф «Фазои таълимии ИДМ ҳамчун манбаи стратегии рушди устувор» ва аввалин Фестивали  омӯзгорони бомаҳорат ва кормандони соҳаи маориф омӯзгорону кормандони соҳаи маориф аз Федератсияи Русия, Беларус, Арманистон, Қазоқистон, Қирғизистон, Узбекистон ва Тоҷикистон иштирок мекунанд.

Иштирокчиён масъалаҳои таҳсилоти дастрас ва босифат, дурнамои рушди илми омӯзгорӣ, равишҳои навоварона, инчунин ҳамкорӣ дар самти рушд ва ҳифзи забони русиро ҳамчун воситаи ҳамгироӣ дар фазои Иттиҳод баррасӣ хоҳанд кард.

АКС: АМИТ «Ховар»

Октябрь 29, 2021 14:09

Хабарҳои дигари ин бахш

Сарбоз Ҳасани Назар: «Шароити муҳайëгардида дар қисмҳои низомӣ имкон дод, ки дониши худро сайқал дода, сазовори 70000 сомонӣ шавам»
Аз саҳифаҳои матбуоти даврӣ
Ғолибони Озмуни ҷумҳуриявии ««Тоҷикон» – оинаи таърихи миллат» муайян гардиданд
««ТОҶИКОН» – ОИНАИ ТАЪРИХИ МИЛЛАТ». Дар он чор нафар сазовори «Шоҳҷоиза» гардид
Беҳрӯз Сайфиддинов дар озмуни байналмилалӣ соҳиби ҷои аввал шуд
Президенти Академияи миллии илмҳои Тоҷикистон дар ҷаласаи Комиссияи давлатҳои ИДМ оид ба истифодаи неруи атомӣ бо мақсадҳои осоишта иштирок намуд
Барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 озмун эълон гардидааст
Дар Душанбе Озмуни ҷумҳуриявии «Китоби сол-2023» ҷамъбаст гардид
Ба «Маркази омӯзиши пиряхҳои Академияи миллии илмҳои Тоҷикистон» хроматографи ионӣ супорида шуд
Сарояндаи тоҷик, ғолиби озмуни «Ну-ка, все вместе!» Фаррух Ҳасановро дар фурудгоҳи Душанбе пешвоз гирифтанд
Раиси вилояти Хатлон бо ҷараёни корҳои навсозии Мадрасаи Хоҷа Машҳад шинос шуд
«ИНЪИКОСИ ПИРЯХҲО ДАР ОСОРИ РАССОМОНИ ТОҶИКИСТОН». Дар Кӯлоб таҳти ин унвон намоиш ифтитоҳ ёфт