Дар Душанбе Анҷумани VI омӯзгорон ва мураббиёни кишварҳои узви ИДМ баргузор мешавад

Октябрь 21, 2021 12:47

ДУШАНБЕ, 21.10.2021 /АМИТ «Ховар»/. 27-30 октябр дар Душанбе Анҷумани VI омӯзгорони кишварҳои узви ИДМ баргузор мешавад. Мавзӯи анҷуман — «Фазои таълимии Иттиҳоди Давлатҳои Мустақил манбаи стратегии рушди устувори он аст» мебошад. Дар он омӯзгорон аз Арманистон, Беларус, Қазоқистон, Қирғизистон, Тоҷикистон, Русия ва Узбекистон масъалаҳои рушди низоми таҳсил дар кишварҳои узви ИДМ баррасӣ хоҳанд кард, хабар медиҳад мухбири АМИТ «Ховар».

Дар доираи анҷуман гузаронидани ҷамъомадҳои пленарӣ, ҷаласаҳои мавзӯӣ, муҳокимаҳои панелӣ ва мизҳои мудаввар дар назар дошта шуда, дар он вакилони анҷуман дар бораи принсипҳои ҳамкорӣ дар такмили сифати таҳсилоти мактабӣ, рушди мобилии академикӣ ва вобаста ба  пешравиҳо дар соҳаи технологияҳои инноватсионӣ мубодилаи афкор менамоянд.

Бояд тазаккур дод, ки дар доираи анҷуман Фестивали 1 -уми байналмилалии маҳорати педагогӣ баргузор мегардад. Дар охири фестивал дипломҳо дар се номина тақдим карда мешаванд: «Муаллим», «Омӯзгор», «Равоншинос/педагоги иҷтимоӣ».

Мукофоти дигаре, ки дар доираи анҷуман дода мешавад, муаррифии нишони сарисинагии «Аълочии маорифи Иттиҳоди Давлатҳои Мустақил» мебошад. Он ба беҳтарин омӯзгорон ва кормандони кишварҳои узви ИДМ дода мешавад.

Марҳилаи ниҳоии анҷуман қабули қатъномае хоҳад буд, ки соҳаҳо ва усулҳои ҳамкориро инъикос ва стратегияю абзорҳои ояндадори рушди маорифро дар ИДМ муайян мекунад.

Ташаббускорони анҷуман Вазорати маориф ва илми Ҷумҳурии Тоҷикистон бо дастгирии Фонди байнидавлатии ҳамкории башардӯстонаи кишварҳои узви Иттиҳоди Давлатҳои Мустақил (IFES) мебошанд.

Акс аз манбаъҳои боз

Октябрь 21, 2021 12:47

Хабарҳои дигари ин бахш

«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд
Мактаб-интернати ҷумҳуриявии кӯдакони ятим дар шаҳри Кӯлоб ба давраи зимистон омода мебошад
Рустам Ҷабборов барои таҳия ва эҷоди филмномаи «Ҷомӣ ва Навоӣ» ба Душанбе омад
39 хонандаи шаҳри Душанбе дар Олимпиадаи байналмилалии Анталия соҳиби ҷойҳои ифтихорӣ шуданд
Китоби «Пешвои миллат ва сиёсати давлатии забон» ба нашр расид