Дар Москва дар бораи адиб ва синамогари тоҷик Абдурофеъ Рабизода китоб ба нашр расид
ДУШАНБЕ, 19.10.2021 /АМИТ «Ховар»/. Дар шаҳри Москва дар бораи адиб ва синамогари тоҷик Абдурофеъ Рабизода, ки бо тахаллуси Шераки Ориён машҳур аст, таҳти унвони «Левчик далёкий» (Шераке аз дурдастҳо) ва «Неожиданности любви и жизни» (Ишқ ва зиндагии ғайриинтизор) китоб нашр гардид, ки муаллифони он шоираи рус Нина Веселова ва адабиётшиносу муҳаққиқи эстонӣ Аво Сузи мебошанд.
«Дар тафриқа аз дигарон Абдурофеъ Рабизода (Шераки Ориён) мушкиле чун пайдо кардани мавқеи хешро дар ин дунёи пурпеч надорад. Ба пиндори банда, ӯ рисолати нависандаро низ хуб дарк кардааст, яъне ҳодӣ (ҳидоятгар) будан, то ки дар пайгирӣ ҳар нафар тавонад меъёрҳои маънавии худро пайдо ва муқаррар бисозад». Чунин навиштааст нависанда ва адабиётшиноси эстонӣ Аво Сузи дар сарсухани китоб.
«Ба матои тасвир унсурҳои асотир, қиссаю андарз афзуда, новелланавис имконоти нави ифодаи фасеҳ кашф мекунад ва дар ин ҷода сабкеро меофарад, ки танҳо хоси ӯ мебошад…»- чунин баҳо додаанд ба эҷодиёти адиби тоҷик Шераки Ориён пажӯҳишгарони хориҷӣ.
Аз миёни мақолаҳои зиёди пажуҳишгарони хориҷӣ доир ба эҷодиёт ва сабку услуби хоссаи адиби тоҷик дар ин китоб, ки дар Москва нашр гардидааст, навиштаҳое бо номи «Левчик далёкий», ки ба қалами кинематографист ва шоираву нависандаи номвар, дорандаи ҷоизаҳои зиёди Русия ва хориҷӣ, шоираи рус Нина Веселова ва «Неожиданности любви и жизни»- навиштаҳои адабиётшинос ва муҳаққиқи эстонӣ Аво Сузи- яъне шахсе, ки бастаю шефтаи фарҳанги тоҷик мебошад ва асарҳои адибони моро дар забони асл мехонад, мутааллиқанд, интихоб шудаанд. Дар ин навиштаҳо, ки дар як китоб ба ҳам омадаанд, таҳлилҳои амиқу мантиқӣ доир ба осор ва рӯзгори нависанда ва синамогари тоҷик Абдурофеъ Рабизода, яъне Шераки Ориён гирд оварда шудаанд.
Навиштаҳои Абдурофеъ Рабизода бо забонҳои англисӣ, фаронсавӣ, ҷопонӣ, чинӣ, ҳинду, урду, полякӣ, қазоқӣ, украинӣ, беларусӣ, чехиву олмонӣ, арманиву гурҷӣ, испаниву арабӣ, яъне ҷамъулҷамъ ба чил забони хориҷӣ тарҷума шудаанд. Вай муаллифи зиёда аз сад китоби нашршуда мебошад, яъне 86-то бо забони тоҷикӣ, 11-то бо русӣ, сето бо англисӣ ва сето бо узбекӣ. Ҳамчунин вай муаллифи 43 филми бадеӣ, фалсафӣ ва ҳунарӣ ба шумор меравад.
Эҷодиёти нависандаи тоҷик бо ҳафт ҷоизаи байналхалқӣ қадрдонӣ гардидааст. Барои шӯҳрат бахшидани адабиёту санъати тоҷик дар арсаҳои байналхалқӣ нависанда ва кинодраматург Шераки Ориён бо ордени «Шараф» мукофотонида шудааст.
АКС: АМИТ «Ховар»
«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
«Маҳмуднома». Таҳти чунин унвон доир ба фаъолияти Ҳомид Маҳмудов китоб ба нашр расидааст
«ТОҶИКОН» ДАР ХОНАДОНИ МАН» . Таҳти чунин унвон дар шаҳри Турсунзода озмуни зеҳнӣ доир шуд
Шоираи Раҳимҷон дар ҷамъбасти Фестивали 5-уми адабии Авруосиёии Лиффт-2021 ҷоизаи «Занон барои сулҳ»-ро соҳиб шуд
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
ЁДГОРИИ МЕЪМОРИИ МАНСУБ БА ДАВРАИ АНТИҚА. Бостоншиносони Тоҷикистон ва Фаронса аз пойсутун ва ҷузъи сутуни деҳаи Пушинги Данғара дидан намуданд
Гулчеҳра Қоҳирова: Астероиди 4660 Nereus барои Замин ягон хатар надорад
РУСИЯ ҚОИДАҲОИ НАВИ ИМЛОИ ЗАБОНИ РУСИРО ТАҲИЯ НАМУД. Қаблан ба қоидаҳои имлои забони тоҷикӣ низ тағйирот ворид шуда буд
Мактаб-интернати ҷумҳуриявии кӯдакони ятим дар шаҳри Кӯлоб ба давраи зимистон омода мебошад
