Дар Тоҷикистон машқҳои ҳарбии СААД оғоз ёфтанд
ДУШАНБЕ, 18.10.2021. /АМИТ «Ховар»/. Имрӯз, 18 октябр, Созмони Аҳдномаи амнияти дастҷамъӣ машқҳои муштараки ҳарбии худро, ки дар ҳудуди сарҳади Тоҷикистон ва Афғонистон мегузаронад, оғоз мекунад.
Қувваҳои дастҷамъии СААД дар доираи машқҳои фаврӣ-стратегии «Бародарии ҳарбӣ-2021» 3 машқи муштарак мегузаронанд, ки дар он 4 ҳазор нафар ва беш аз 500 адад техникаҳои ҳарбӣ иштирок мекунанд. Дар ин бора аз маркази матбуоти Округи ҳарбии Русия ба ТАСС иттилоъ доданд.
Дар наздикиҳои сарҳади Афғонистон 3 машқи муштарак, аз қабили «Ҳамкорӣ», «Ҷустуҷӯ» ва «Эшелон» бо ҷалби низомиёни кишварҳои аъзои СААД гузаронида мешаванд, ки ба онҳо беш аз 4 ҳазор нафар низомиён ва беш аз 500 адад техника ҷалб карда шудаанд. Асоси қисмати русиягиро қисми 201-уми пойгоҳи ҳарбӣ ташкил медиҳад, омадааст дар хабар.
Тавре аз хадамоти матбуоти Округи ҳарбии марказии Русия хабар доданд, тамринҳои амалӣ дар ду машқгоҳи Тоҷикистон — Ҳарб-Майдон ва Момирак бо иштироки низомиёни 6 кишвари аъзои СААД гузаронида мешаванд.
Шартнома оид ба амнияти дастҷамъӣ соли 1992 дар Тошканд ба имзо расонида шуда, соли 2002 қарор оид ба таъсиси созмони мувофиқ қабул гардид. Ба СААД Русия, Арманистон, Беларус, Қазоқистон, Қирғизистон ва Тоҷикистон шомиланд. Тоҷикистон роҳбарии раёсати Созмони Аҳдномаи амнияти дастҷамъиро дар солҳои 2020-2021 ба зимма дорад.
Машқҳои СААД «Ҳамкорӣ-2021» аз 18 то 23 октябри имсол идома меёбанд. Роҳбари департаменти сеюми давлатҳои ИДМ Вазорати корҳои хориҷии Русия Александр Стерник зикр намуд, ки машқҳои муштараки Русия, Тоҷикистон ва Узбекистон то замоне гузаронида мешаванд, ки вазъияти Афғонистон инро талаб мекунад.
АКС аз сомонаи СААД
«Барномаи миллии бехатарии авиатсияи граждании Ҷумҳурии Тоҷикистон барои солҳои 2026-2030» қабул гардид
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
