Дар Тоҷикистон намояндагии «Agricultural Bank of China» ба фаъолият оғоз мекунад

ДУШАНБЕ, 19.10.2021 /АМИТ «Ховар»/. Дар Тоҷикистон ояндаи наздик намояндагии «Бонки кишоварзии Чин» /«Agricultural Bank of China»/ ба фаъолият шурӯъ  менамояд, иттилоъ доданд ба АМИТ «Ховар» аз Бонки миллии Тоҷикистон.

Бо қарори Раёсати Бонки миллии Тоҷикистон дар асоси Қонуни Ҷумҳурии Тоҷикистон «Дар бораи фаъолияти бонкӣ» барои ифтитоҳи намояндагии Ҷамъияти саҳомии масъулияти маҳдуди «Бонки кишоварзии Чин» дар шаҳри Душанбе розигӣ дода шуд.

Дар асоси қарори мазкур Департаменти назорати бонкӣ вазифадор гардид, ки дар Феҳристи бақайдгирии намояндагиҳои бонкҳои хориҷӣ сабти дахлдор ворид намояд.

«Бонки кишоварзии Чин» ё «ABC Bank», ки 70 сол муқаддам, аниқтараш соли 1951 таъсис дода шудааст, сеюмин бонки бузург на танҳо дар Чин, балки дар ҷаҳон маҳсуб мешавад. Идораи марказии «ABC Bank» дар Пекин воқеъ буда, ба 320 миллион муштарӣ хизмат мерасонад.

   ДАР АКС: идораи марказии «ABC Bank» дар Пекин. Акс аз манбаи боз