ДУШАНБЕ-ПОЙТАХТИ ФАРҲАНГИИ ИДМ ДАР СОЛИ 2021. Солҳои минбаъда кадом шаҳрҳо ин унвони ифтихориро соҳиб мегарданд?
ДУШАНБЕ, 29.102021 /АМИТ «Ховар»/. Ҳукуматдорони Гагаузия (ҳудуди мухтор дар ҳайати Ҷумҳурии Молдова) омодагии худро ба соли 2023 шуруъ намуданд, ки дар ин сол бори нахуст дар таърихи худ пойтахти ҳудуди мухтор- шаҳри Комрат ҳамчун пойтахти фарҳангии ИДМ шинохта хоҳад шуд. Тавре АМИТ «Ховар» хабар медиҳад, дар ин бора ба рӯзноманигорон сардори Сарраёсати робитаҳои берунии ҳудуди мухтори Гагаузия Виталий Влах иттилоъ дод.
«Дар якҷоягӣ бо Вазорати корҳои хориҷӣ ва Вазорати фарҳанги Ҷумҳурии Молдова мо ҳоло нақшаи чорабиниҳо барои соли 2023-ро, ки дар пойтахти ҳудуди мухтор- шаҳри Комрат мегузаранд, омода намуда истодаем»,-гуфт Влах.
Ҳуҷҷати таҳияшуда барои баррасӣ ба мақомоти иҷроияи кишварҳои ИДМ пешниҳод карда мешавад. Влах зикр намуд, ки мақоми пойтахти фарҳангии ИДМ- «нуқтаи хеле олист», ки имкон медиҳад Гагаузия барои ҳама кишварҳои собиқ Шӯравӣ шиносо шавад.
Ёдовар мешавем, ки соли 2022 пойтахти фарҳангӣ шаҳри қирғизии Қароқул мегардад. Ва имсол мақоми ифтихории пойтахти фарҳангии ИДМ-ро пойтахти Тоҷикистон- шаҳри Душанбе ба худ касб кардааст.
Дар доираи соли «Пойтахти фарҳангии Иттиҳод» Мақомоти иҷроияи ҳокимияти давлатии шаҳри Душанбе нақшаи махсуси чорабиниҳоро ташкил кардааст, ки аз маҷмӯи чорабиниҳои фарҳангӣ-фароғатӣ ва раванди барқарорсозии ёдгориҳои таърихӣ иборат мебошад.
Нахустин «Пойтахти фарҳангии ИДМ» шаҳри бостонии Беларус- Гомел интихоб гардида буд. Миёни шаҳрҳои Тоҷикистон соли 2015 ин мақомро шаҳри Кӯлоб касб намуда буд.
АКСҲО: АМИТ «Ховар»
Дар Душанбе бахшида ба Рӯзи байналмилалии маъюбон барномаи фарҳангӣ-фароғатӣ гузаронида шуд
Дар Душанбе бахшида ба Рӯзи Парчами давлатии Тоҷикистон ҳамоиши тантанавӣ ва роҳпаймоӣ доир шуд
Дар Мақомоти иҷроияи ҳокимияти давлатии шаҳри Душанбе бахшида ба Рӯзи Парчами давлатӣ ҳамоиш доир гардид
Пагоҳ бахшида ба Рӯзи Парчами давлатии Тоҷикистон дар шаҳри Душанбе роҳпаймоӣ баргузор мегардад
ДУШАНБЕ-ҚАЛБИ ТОҶИКИСТОНИ СОҲИБИСТИҚЛОЛ. Дар Китобхонаи миллӣ бо иштироки сардабирони 35 нашрияи даврӣ ҳамоиш доир шуд
«Барномаи рушди фаъолияти волонтёрӣ дар шаҳри Душанбе барои солҳои 2023-2027» тасдиқ гардид
«ЭМОМАЛӢ РАҲМОН-РАМЗИ ШИНОХТИ МИЛЛАТ ВА ИФТИХОРИ ҶАВОНОН». Дар Душанбе бахшида ба Рӯзи Президенти Тоҷикистон ҳамоиш доир шуд
«ВОХӮРИИ СЕ НАСЛ». Дар Душанбе вохӯрии собиқадорони ҷангу меҳнат, оилаҳои рӯзгордида ва занону духтарони матинирода доир шуд
Шоҳҷоизаи Озмуни ҷумҳуриявии беҳтарин шаҳру ноҳия, шаҳраку деҳот, деҳа, маҳалли аҳолинишин ва хонаи истиқоматӣ насиби шаҳри Душанбе гардид
Дар шаҳри Душанбе 45 корхонаи истеҳсоли маҳсулоти қаннодӣ фаъолият менамояд
МУШКИЛОТИ САЙЁҲИИ ДОХИЛӢ. Дар Донишгоҳи давлатии омӯзгории Тоҷикистон бо мақсади рушди ин соҳа ҳамоиш доир шуд
ЭТИКАИ КАСБИИ РОНАНДАГОН. Дар Корхонаи коммуналии воҳиди давлатии «Автобус-1» доир ба риояи қоидаҳои ҳамлу нақли мусофирбарӣ машварат доир гардид
