Миёни вилояти Сирдарёи Узбекистон ва Тоҷикистон автобусҳои транзитӣ роҳандозӣ мешаванд
ДУШАНБЕ, 08.10.2021 /АМИТ «Ховар/. Миёни вилояти Сирдарёи Узбекистон ва Тоҷикистон автобусҳои транзитӣ тавассути водии Фарғона роҳандозӣ мешаванд. Ин нуктаро 7 октябр номзад ба мақоми президентӣ аз Ҳаракати соҳибкорон ва тоҷирон — Ҳизби либералӣ-демократии Узбекистон, Президенти кунунии мамлакат Шавкат Мирзиёев зимни мулоқот бо интихобкунандагони вилояти Сирдарё иброз дошт, хабар медиҳад АМИТ «Ховар» бо истинод ба маркази матбуоти президенти Узбекистон.
Мавриди зикр аст, ки айни замон бо сабаби пандемия ҳаракати автобусҳо миёни Тошканд, Самарқанд, Тирмиз, Душанбе, Хуҷанд, Панҷакент ва дигар шаҳрҳои бузурги Тоҷикистону Узбекистон қатъ шудааст.
Ёдовар мешавем, ки 26-27 ноябри соли гузашта дар шаҳри Хуҷанд ҷаласаи Комиссияи муштараки навбатии Тоҷикистон ва Узбекистон оид ба нақлиёти автомобилӣ таҳти роҳбарии муовини Вазири нақлиёти Тоҷикистон Шоиста Саидмуродзода ва муовини Вазири нақлиёти Узбекистон Даврон Деҳқонов доир гардид.
Зимни ҷаласа масоили ҳамкории дучониба оид ба ҳамлу нақли байналмилалии автомобилӣ, кушодани хатсайрҳои иловагии байналмилалӣ дар сами мусофирбарӣ ва транзит, ворид намудани тағйирот ба Созишномаи амалкунанда бо мақсади содагардонии раванди ҳамлу нақл бо нақлиёти автомобилӣ, мубодилаи рухсатномаҳо барои анҷом додани ҳамлу нақли байналмилалии автомобилӣ дар соли 2021, мубодилаи таҷриба оид ба ҷорӣ намудани рақамикунонӣ дар нақлиёт ва дигар масъалаҳо мавриди баррасӣ қарор гирифтанд.
Сипас оид ба масоили муҳокимашаванда Протокол ба имзо расид, ки онро муовинони вазирони нақлиёти ҳарду кишвар Шоиста Саидмуродзода ва Даврон Деҳқонов ба имзо расониданд.
АКС аз бойгонии АМИТ «Ховар»
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
