НАМОЯНДАГИИ ВАЗОРАТИ МЕҲНАТ ТАВСИЯ МЕДИҲАД: дар муҳоҷират ба сару либос ва муносибату рафтори худ аҳамияти ҷиддӣ диҳед!
ДУШАНБЕ, 08.10.2021 /АМИТ «Ховар/. Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия бо як тавсиянома ба муҳоҷирон муроҷиат намудааст, ки ба сару либос, мӯйлаб, риш, муносибат ва рафтори худ аҳамияти ҷиддӣ диҳанд, забон, таърих ва осори пурғановати халқи русро аз худ намуда, барои ташаккули ҷаҳонбинии худ талош намоянд, иттилоъ медиҳад АМИТ «Ховар» бо истинод ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Русия.
Ҳамчунин гуфта шудааст, ки шабакаҳои иҷтимоиро самаранок истифода бурда, аз тамошои ролику барномаҳои дорои хусусияти ифротиву иртиҷоӣ ва ғайриманфиат худдорӣ кунанд ва қиматтарин арзиши инсонӣ – вақти худро самаранок истифода намоянд.
«Намозро дар ҷойҳои ҷамъиятие, ки қонунгузории Федератсияи Русия муайян намудааст, адо намоед. Дар ҷойҳое, ки хондани намоз манъ карда шудааст, бояд дар он ҷой намоз нагузоред. Ҳамчунин дар ҳолатҳои берун аз кор аз китобхона, театр, намоишгоҳҳо, осорхонаҳо дидан намоед, забон, таърих ва осори пурғановати халқи русро аз худ намуда, барои ташаккули ҷаҳонбинии худ талош намоед»,- гуфта шудааст дар тавсиянома.
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон ба таваҷҷуҳи муҳоҷирони меҳнатӣ, ки дар қаламрави Федератсияи Русия фаъолият менамояд, мерасонад, ки дар ҳолати пайдо гардидани савол ва ё мушкилот метавонанд ба Намояндагӣ муроҷиат намоянд.
АКС: Фейсбук/Людмила Мелниченко
«ПЕШВОИ МИЛЛАТ – ТАШАББУСКОР ВА ТАҲКИМБАХШИ СУЛҲУ ВАҲДАТИ ҶАҲОНӢ». Дар Душанбе конференсияи ҷумҳуриявӣ баргузор шуд
ОГОҲӢ! Аз 19 то 22 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
ҚОНУНИ АВФ. Давлат ба ҳазорон шаҳрванд имконият медиҳад ба назди оилаҳои худ баргашта, ҳуқуқи худро ба зиндагии арзанда амалӣ созанд
Дар Душанбе оид ба тамоюлҳои рушди маориф дар давлатҳои ИДМ конфронси байналмилалӣ баргузор шуд
Дар ноҳияи Фирдавсӣ барои фаъолони ҳизб машғулияти омӯзишӣ доир гардид
Дар доираи лоиҳаи идоракунии раванди обшавии пиряхҳо ба Агентии обуҳавошиносӣ таҷҳизоти муосир дастрас карда шуд
Ҷаласаи якуми Комиссияи назди Ҳукумати Ҷумҳурии Тоҷикистон оид ба нуфус ва рушд баргузор шуд
Истироҳатгоҳи маърифатӣ ва фароғатии «Камароб» ба фаъолият оғоз намуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
