Ҷоизаи Нобел дар соҳаи тиб барои кашфи ретсепторҳои нав дода мешавад
ДУШАНБЕ, 04.10.2021 /АМИТ «Ховар»/. Барандагони ҷоизаи Нобел дар соҳаи физиология ва тиб барои соли 2021 Дэвид Юлиус ва Ардем Патапутян гардиданд. Ҷоиза барои кашфи ретсепторҳое (нӯги торҳои асабҳои ҳискунанда, ки таъсирро қабул мекунад) дода шуд, ки ба ҳарорат ва ламс эътино мекунанд. Тавре АМИТ «Ховар» хабар медиҳад, дар ин бора кумитаи Нобел дар сомонаи худ навиштааст.
Хабари бо ҷоизаи Нобел дар соҳаи тиб дар соли 2021 қадрдонӣ гардидани Дэвид Юлиус ва Ардем Патапутян имрӯз, 4 октябр дар Стокголм эълон карда шуд. Эълон дар саҳифаи расмии ҷоиза дар Твиттер пахш шудааст.
Юлиус физиолог буда, дар Донишгоҳи Калифорния дар Сан -Франсиско кор мекунад. Вай бештар бо тадқиқоти ретсепторҳое машҳур аст, ки ба ментол (наъно), равғани хардал ва капсаитсин-унсури қаламфури сӯзонанда вокуниш нишон медиҳанд ва мо тавассути онҳо сӯзишро эҳсос мекунем. Патапутян биологи Пажӯҳишгоҳи илмӣ-тадқиқотии Скриппс буда, корҳои ӯ ба роҳҳои ионӣ ва ретсепторҳое нигаронида шудаанд, ки бо ҳарорат, ламс ё тавсеаи ҳуҷайраҳо фаъол мешаванд.
Соли гузашта дар ин номина Харви Олтер, Чарлз Райс ва Майкл Ҳоутен барои кашфи вируси гепатити С соҳиби ин ҷоиза шуда буданд.
Ҷоизаи пулии имсола 10 миллион крон (тақрибан 1,5 миллион доллар) хоҳад буд.
Барандагони ҷоизаҳо дар дигар номинаҳо ин ҳафта эълон хоҳанд шуд: 5 октябр қарор оид ба физика, 6 октябр – оид ба кимиё, 7 октябр – доир ба адабиёт эълон карда мешавад. Номи барандаи ҷоизаи сулҳ 8 октябр дар Осло эълон мешавад. Барандаи ҷоиза дар бахши иқтисод 11 октябр муайян хоҳад шуд.
АКСИ БОЛО: Jonathan NACKSTRAND / AFP
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
