ОМОДАБОШ. Дмитрий Песков аҳдофи тамринҳои СААД дар Тоҷикистонро номбар намуд
ДУШАНБЕ, 14.10.2021 /АМИТ «Ховар»/. Машқҳои муштараки кишварҳои СААД дар Тоҷикистон дар заминаи шиддат ёфтани вазъ дар Афғонистон хеле заруранд. Тавре АМИТ «Ховар» бо истинод ба хабаргузории русии Sputnik иттилоъ медиҳад, дар ин бора дирӯз котиби матбуоти Президенти Федератсияи Русия Дмитрий Песков изҳор дошт.
Ба гуфтаи ӯ, «бинобар ба таври пешгӯинашаванда рушд ёфтани вазъияти Афғонистон машқҳои низомӣ дар наздикии марз бо ин кишвар хеле заруранд».
Роҳбари хадамоти матбуоти Президенти Русия хотиррасон кард, ки сарони кишварҳои узви СААД дар ҷаласаи охир таваҷҷуҳи худро ба ин масъала равона карданд.
«Бинобар сабаби аз бисёр ҷиҳат пешгӯинашаванда будани ин вазъ ва зарурати ташкили, тавре ки мегӯянд, омодабош минбаъд бояд роҳу усулҳои ҳамкориро дар самти низомӣ бояд боз ҳам такмил дод»,- гуфт Песков.
Тавре АМИТ «Ховар» хабар дод, нишасти СААД 16 сентябри соли равон дар Душанбе таҳти раёсати Президенти Тоҷикистон Эмомалӣ Раҳмон баргузор шуд. Дар эъломияи ниҳоӣ ширкаткунандагон аз ҷонибҳои даргир дар Афғонистон даъват карданд, ки сари мизи музокира нишинанд ва мушкилотро бо роҳи осоишта ҳал кунанд. Агар вазъ бадтар шавад, давлатҳои СААД омодаанд марзҳои худро ҳифз кунанд.
Қаблан хабар дода шуд, ки дар тамрингоҳҳои Тоҷикистон 22-23 октябр машқҳои неруҳои дастҷамъии СААД «Ҳамкорӣ — 2021» баргузор мешаванд.
Ҳамзамон тамринҳои «Ҷустуҷӯ» ва «Эшелон» низ эълон шуда буданд. Маълум аст, ки ба онҳо беш аз 2,7 ҳазор нафар низомиён ва беш аз 500 адад техникаҳои ҳарбӣ ҷалб карда мешаванд.
АКС: twit.su
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
