Пешвои миллат Эмомалӣ Раҳмон дар деҳаи Шайдони деҳоти Сари Хосори ноҳияи Балҷувон майдони Парчами давлатиро ифтитоҳ намуданд
ДУШАНБЕ, 02.10.2021. /АМИТ «Ховар»/. Дар идомаи боздиди корӣ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳаи Шайдони деҳоти Сари Хосори ноҳияи Балҷувон Парчами давлатии Тоҷикистонро парафшон намуданд.
Иқдоми мазкур дар асоси дастуру супоришҳои Роҳбари давлати Тоҷикистон муҳтарам Эмомалӣ Раҳмон аз тарафи соҳибкор Фирдавс Муродов амалӣ карда шуда, мақсад аз гузоштани Парчами давлатӣ ва бунёди як гулгашти хуштарҳу замонавӣ дар ин деҳа тақвияти эҳсоси худшиносиву худогоҳии сокинон мебошад.
Деҳоти Сари Хосор аз зумраи минтақаҳои назаррабои сайёҳии Тоҷикистон буда, табиати биҳиштосои ин гӯшаи бостонии мамлакат воситаи ҷалби теъдоди зиёди сайёҳону ҷаҳонгардони хориҷиву дохилӣ дониста мешавад.
Ташаббуси бунёди Майдони Парчами давлатӣ дар деҳаи Шайдон дар доираи нақша-чорабиниҳо бахшида ба 30-солагии Истиқлолияти давлатии Ҷумҳурии Тоҷикистон татбиқ шуда, корҳои пудратиро мутахассисони Ҷамъияти дорои масъулияти маҳдуди “Аслиддин-13” бо сифати баланд анҷом додаанд.
Сутунпояи Парчами давлатӣ дар деҳаи Шайдон 25 метр буда, паҳноии матои Парчам 7 ва дарозии он 14 метр аст.
Арзиши умумии иншоот қариб 300 ҳазор сомониро ташкил дода, масоҳати қитъаи замини ҷудошуда 10 садяк мебошад.
Парафшон сохтани Парчами давлатӣ дар ин минтақаи дурдасти мамлакат нишонаи арҷгузорӣ нисбат ба арзишҳои давлатдорӣ буда, садоқати сокинонро нисбат ба Ватан-Модар собит месозад. Зимнан бо мавриди баҳрабардорӣ қарор гирифтани Майдони Парчами давлатӣ, дар деҳаи Шайдон барои бошандагон макони ҷолиби дигар барои фароғату истироҳат ва гузаронидани ҳамоишҳои гуногуни оммавӣ пайдо шуд.
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Сотсиалистии Ветнам Лионг Кионг барқияи изҳори тасаллӣ ирсол намуданд
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи парчами давлатӣ
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Мардумии Чин Ван Иро ба ҳузур пазируфтанд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
