Дар болои Сирдарё пули нави иловагии мошингард сохта мешавад
ДУШАНБЕ, 26.03.2026. /АМИТ «Ховар»/. Дар доираи тадбирҳои ободонию созандагӣ ба ифтихори ҷашни 35-солагии Истиқлоли давлатии Ҷумҳурии Тоҷикистон дар маркази маъмурии вилояти Суғд -шаҳри Хуҷанд пули нави мошингард сохта мешавад, иттилоъ медиҳад АМИТ «Ховар» бо истинод ба хадамоти матбуоти Раиси вилояти Суғд.
Пули нави иловагии мошингард дар болои Сирдарё сохта шуда, шаҳраки 12-ум ва маҳаллаи Раззоқи шаҳри Хуҷандро мепайвандад.
Зимни муаррифии лоиҳаи бунёди пул гуфта шуд, ки бо назардошти сол ба сол зиёд гардидани нақлиёти ҷамъиятӣ ва шахсӣ зарурати сохтмони пули нав пайдо шуд.
Лоиҳаи пули мазкур аз ҷониби ҶДММ «Роҳи Ваҳдат» таҳия гардида, дарозии умумии он 310 метр ва паҳноияш 26 метрро ташкил медиҳад. Дар ду канори пул барои пиёдагардон роҳравҳои махсус пешбинӣ гардида, тамоми талабот ва меъёрҳои сохтмониву меъморӣ пурра риоя карда мешаванд. Бо ин мақсад бунёди 11 сутунпоя дар назар дошта шуда, ҳамзамон аз ду тарафи пул сохтмони роҳҳои ҳалқавӣ барои пайвастан ба он ба нақша гирифта шудааст.
Татбиқи ин лоиҳа ба коҳиш ёфтани танбашавии роҳҳо дар маркази шаҳри Хуҷанд ва сабук гардидани ҳаракат дар пули кӯҳна мусоидат хоҳад кард.
Дар доираи васеъкунии роҳҳои дохили шаҳри Хуҷанд ҳамзамон пули кӯҳнаи шаҳр низ мавриди таҷдид қарор мегирад. Тибқи нақша, паҳноии пули кӯҳна то 16 метр васеъ гардида, роҳи мошингард фарохтар карда мешавад. Барои ин, васеъсозии роҳи мошингард аз назди муҷассамаи Исмоили Сомонии шаҳри Хуҷанд то истгоҳи универмаг ба масофаи 818 метр дар назар аст.
АКС: Хадамоти матбуоти Раиси вилояти Суғд
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
