Сокинони деҳаи Сангпари шаҳри Кӯлоб бо оби нӯшокии босифат таъмин гаштанд
ДУШАНБЕ, 26.03.2026. /АМИТ «Ховар»/. Дар рӯзҳои таҷлили бошукӯҳи Ҷашни байналмилалии Наврӯз дар деҳаи Сангпари Ҷамоати деҳоти Зиракии шаҳри Кӯлоб чоҳи амудӣ ва хатти оби нӯшокӣ мавриди истифода қарор дода шуд. Дар ин хусус АМИТ «Ховар» бо истинод ба Хадамоти матбуоти Раиси вилояти Хатлон иттилоъ медиҳад.
Бо ба истифода додани чоҳи амудӣ ва хатти оби нӯшокӣ тамоми сокинони деҳаи Сангпар бо оби тозаи нӯшокӣ таъмин гардиданд, ки ин ба беҳтар гардидани шароити зиндагии аҳолӣ мусоидат менамояд.
Иншооти мазкур бо ташаббуси соҳибкорони маҳаллӣ бунёд гардида, корҳои сохтмонӣ моҳи январи соли равон оғоз гардиданд. Маблағи умумии лоиҳа 1 миллион сомониро ташкил дода, сохтмон дар муҳлати кӯтоҳ ба анҷом расонида шуд.
Изҳор гардид, ки татбиқи чунин иқдомҳо дар самти беҳдошти сатҳи зиндагии мардум, таъмини аҳолӣ бо оби тозаи нӯшокӣ, рушди инфрасохтори деҳот ва фароҳам овардани шароити мусоиди зист барои сокинон нақши муҳим дошта, ба ҳалли масъалаҳои иҷтимоӣ дар маҳал мусоидат менамояд.
АКС: Хадамоти матбуоти Раиси вилояти Хатлон
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
