Пешвои миллат Эмомалӣ Раҳмон тарабхонаи «Форел»-ро дар шаҳри Хуҷанд ифтитоҳ намуданд
ДУШАНБЕ, 08.10.2021 /АМИТ «Ховар»/. Дар доираи “Солҳои 2019-2021 — солҳои рушди деҳот, сайёҳӣ ва ҳунарҳои мардумӣ” дар шаҳру ноҳияҳои вилояти Суғд баҳри рушди инфрасохтори сайёҳӣ тадбирҳо амалӣ карда мешаванд.
Асосгузори сулҳу ваҳдати миллӣ—Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Сирдарёи шаҳри Хуҷанд маркази хизматрасонӣ ва тарабхонаи брендии “Форел”-ро мавриди баҳрабардорӣ қарор доданд.
Иншооти хуштарҳу назаррабо дар соҳили Сирдарё бо саҳму иқдоми соҳибкори маҳаллӣ Муҳсин Шодиев ва ҳамкоронаш бо харҷи беш аз 4 миллион сомонӣ бунёд шудааст.
Иншоот аз 3 ошёна бо таҳхона ва Маркази таомҳои миллӣ иборат буда, аз ҷониби бинокорону ҳунармандони маҳаллӣ бо тарҳи зебо сохта шудааст.
Дар иншоот толори баргузории чорабиниҳои фарҳангию маросими миллӣ, қаҳвахона, ҳуҷраҳои истеъмоли хӯрок мавҷуд буда, зиёда аз 50 нафар ба тайёр намудани таомҳо ва хизматрасонӣ ҷалб шудаанд.
Дар тарабхонаи брендии “Форел” асосан навъҳои гуногуни моҳӣ пухта, ба мизоҷон пешниҳод карда мешаванд.
Моҳиро дар ошдону тафдонҳо ва танӯрҳо бо тарзу усули хосса бо истифода аз ҳезум мепазанд. Барои пухтани моҳӣ мутахассисону пазандаҳои корозмудаю соҳибкасб ба кору хизматрасонӣ ҷалб гардидаанд.
Дар ошхонаи дигари Маркази хизматрасонӣ таомҳои миллӣ ва аврупоӣ тайёр карда мешаванд.
Дар Маркази хизматрасонӣ ва тарабхонаи “Форел” бори нахуст таҷҳизоти системаи ягонаи гармидиҳӣ, хунуккунӣ ва ҳавокашии “Чиллер”-и истеҳсоли давлатии Голландия ворид ва васлу насб гардидаанд.
Соҳибкорон бо мақсади ташкили хизматрасонии сатҳи баланд ва муаррифии табиати зебои шаҳри Хуҷанд дар соҳили Сирдарё ҳавз сохта, бо ҳунару маҳорати пазандаю пешхизматҳо моҳӣ ва таомҳои миллӣ пешниҳод менамоянд.
Сарвари давлат муҳтарам Эмомалӣ Раҳмон чунин ташаббусҳои соҳибкорони ватаниро дар ободии кишвар шоиста арзёбӣ намуданд.
Бояд гуфт, ки соҳибкор Муҳсин Шодиев ва пайравонаш дар соҳили дарёи Душанбе, дар пойтахти мамлакат низ қаҳвахона бо номи “Форел” таъсис дода, хизматрасонии сатҳи баланд ба роҳ мондаанд.
НИШАСТИ МАТБУОТӢ. Дар ноҳияи Лахш 90 иншооти таъйиноти гуногун ба истифода дода шуд
РУШДИ СОҲАИ КИШОВАРЗӢ ДАР 35 СОЛИ ИСТИҚЛОЛИЯТИ ДАВЛАТӢ. Ҳаҷми умумии маҳсулоти кишоварзӣ 3,7 баробар афзоиш ёфтааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
«ОФТОБ ДАР ХУРРАМЗАМИН». Таҳти чунин унвон бахшида ба 35-солагии Истиқлолияти давлатӣ китоби нав ба нашр расид
«ТОҶИКИСТОН — КИШВАРИ ЁДГОРИҲОИ НОДИР». Дар Италия намоиши шоҳкорҳои беназири мероси таърихию фарҳангии Тоҷикистон доир мегардад
35-СОЛАГИИ ИСТИҚЛОЛИ ДАВЛАТӢ. Дар шаҳри Душанбе беш аз 6500 иншоот бунёду навсозӣ гардидааст
Дар Душанбе рӯзҳои фарҳанги шаҳри Роғун, ноҳияҳои Шамсиддин Шоҳин, Тоҷикобод, Нуробод, Муъминобод ва Варзоб баргузор мегарданд
35-СОЛАГИИ ИСТИҚЛОЛИ ДАВЛАТӢ. Дар Панҷакент 40 бинои баландошёна ба истифода дода мешавад
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
35-СОЛАГИИ ИСТИҚЛОЛИ ДАВЛАТӢ. Дар вилояти Суғд сохтмони иншооти иҷтимоӣ вусъат меёбад
ҶДММ «Ганҷи Панҷ» дар як сол имкони қабул ва коркарди то 20 ҳазор тонна пахтаро дорад
