Раиси вилояти Суғд бо соҳибкорони Русия мулоқот намуд
ДУШАНБЕ, 19.10.2021. /АМИТ «Ховар»/. Дар ҳудуди вилояти Суғд 700 корхонаи хурду бузурги саноатӣ фаъолият дошта, номгӯи зиёди маҳсулоти истехсолшаванда содирот карда мешавад. Ин нуктаро 18 октябр Раиси вилояти Суғд Раҷаббой Аҳмадзода зимни мулоқот бо соҳибкорони вилоятҳои Липетск ва Воронежи Федератсияи Русия, ки барои иштирок дар Ярмаркаи VII байналмилалии савдо «Суғд-2021» ба вилоят омадаанд, баён дошт, иттилоъ доданд аз мақомоти иҷроияи ҳокимияти давлатии вилояти Суғд ба АМИТ «Ховар».
Зикр шуд, ки ҳаҷми гардиши савдои хориҷии вилояти Суғд дар моҳҳои январ-сентябри соли 2021 ба 1 млрд. 607,2 млн. доллари ИМА баробар шуд. Аз вилояти Суғд асосан маъдану консентрант, семент, либосҳои гуногун, маҳсулоти кишоварзӣ содирот гардида, номгӯи зиёди маҳсулот, хусусан маҳсулоти кишоварзӣ ба Федератсияи Русия ирсол шудааст.
Раҷаббой Аҳмадзода гуфт, ки дар Тоҷикистон саноатикунонии босуръати кишвар ҳадафи чоруми стратегӣ эълон шуда, дар ин росто баҳри расидан ба ин ҳадаф ҳамкорӣ бо шарикони рушд дар авлавият қарор дорад. Дар вилоят барои густариши робитаҳои иқтисодӣ имконияти истифоданашуда зиёд буда, ҷонибҳо метавонанд дар соҳаҳои саноати кӯҳӣ, саноати сабук, коркарди пахтаву мева, чарм, дорусозӣ ва дигар бахшҳо ҳамкориро тақвият бахшанд.
Меҳмонон аз истиқболи гарму самимӣ изҳори сипос намуда, иброз доштанд, ки ҳадаф аз ташрифашон маҳз шиносоӣ бо имконоти иқтисодии вилояти Суғд аст ва Ярмаркаи байналмилалии савдо «Суғд-2021» фурсати хубе барои таҳкимбахшии робитаҳои иқтисодӣ хоҳад буд.
Ёдовар мешавем, ки бо ташаббуси мақомоти иҷроияи ҳокимияти давлатии вилояти Суғд 19-20 октябр дар шаҳри Хуҷанд Ярмаркаи VII байналмилалии савдо «Суғд-2021» гузаронида мешавад.
Имрӯз дар Кохи фарҳанги «Суғдиён» маросими кушодашавии форуми «Имкониятҳои тиҷорату сармоягузорӣ ва дурнамои рушди минтақаҳо» баргузор мегардад.
20 октябр меҳмонони дохиливу хориҷӣ дар маросими ифтитоҳи ҳафтумин Ярмаркаи байналмилалии савдо «Суғд-2021» иштирок карда, бо намунаҳои маҳсулоти корхонаҳои саноатӣ ва дастовардҳои соҳаи кишоварзӣ шинос мешаванд.
АКС: Хадамоти матбуоти Раиси вилояти Суғд
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
Хуршед Каримзода дар ҳамоиши байналмилалии «Такмили экосистемаи ҷаҳонии савдо» дар Корея иштирок намуд
