Саймумин Ятимов: Вазъи Афғонистон ба тамоми ИДМ таҳдид мекунад

Октябрь 14, 2021 13:02

ДУШАНБЕ, 14.10.2021 /АМИТ «Ховар»/. Раиси Кумитаи давлатии амнияти миллии Тоҷикистон Саймумин Ятимов гуфт, ки вазъ дар Афғонистон на танҳо ба Тоҷикистон, балки ба тамоми ИДМ таҳдид мекунад. Дар ин бора ӯ зимни иштирок дар нишасти XVII сарони ниҳодҳои амниятӣ ва хадамоти иктишофии кишварҳои узви ИДМ изҳори назар намуд, хабар медиҳад агентии иттилоотии Русия «Sputnik».

«Мо бовар дорем, ки вазъи кунунии Афғонистон на танҳо барои амнияти Тоҷикистон, кишварҳои Осиёи Марказӣ хатари воқеӣ эҷод мекунад. Ман фикр мекунам барои тамоми собиқ Иттиҳоди Шӯравӣ, бахусус минтақаҳое, ки аҳолии мусулмон доранд, он хатар дорад», — гуфт ӯ.

Ба гуфтаи Саймумин Ятимов, «талошҳои мушаххас»-е вуҷуд доранд, ки террористон аз дини ислом барои ноором созхтани вазъи минтақа истифода кунанд.

Бояд тазаккур дод, ки дирӯз дар Москва ҷаласаи хадамоти махсуси Русия, Тоҷикистон, Узбекистон, Қазоқистон, Қирғизистон, Озарбойҷон, Арманистон, Беларус ва Туркманистон баргузор шуд.

Ёдовар мешавем, ки вазъ дар Афғонистон аввали моҳи август, замоне муташанниҷ шуд, ки «Толибон»* ҳамлаи худро ба неруҳои давлатии Афғонистон бештар намуд. Толибон вориди Кобул шуданд ва анҷоми ҷангро эълон карданд. Дар ҳамин ҳол, аз фурудгоҳи Кобул, ки таҳти ҳимояи низомиёни амрикоӣ буд, тахлияи оммавии шаҳрвандони кишварҳои Ғарб ва афғонҳои бо онҳо ҳамкор сурат гирифт.

Неруҳои амрикоӣ Афғонистонро тарк карданд ва  ҳузури тақрибан 20-солаи артиши ИМА дар ин кишвар хотима ёфт.

________________________

* «Толибон» — ҳаракати террористии мамнуъ дар Тоҷикистон, Русия ва дигар кишварҳо

Октябрь 14, 2021 13:02

Хабарҳои дигари ин бахш

Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро шуд
80 корманди мақомоти корҳои дохилӣ бо манзили зист таъмин мешаванд
Соли 2027 Тоҷикистон раёсатро дар Созмони Аҳдномаи амнияти дастҷамъӣ ба уҳда мегирад
Ҳабибулло Воҳидзода бо сафири навтаъйини Беларус дар Тоҷикистон мулоқот намуд
Эмомалӣ Раҳмон: «Ҳар корманди милитсия бояд бо рафтору гуфтор, дониш, самимияту эътимод сазовори боварии шаҳрвандон бошад»
Дар Роғун Рӯзи милитсияи тоҷикро таҷлил намуданд
Дар Суғд Рӯзи милитсияи тоҷикро ботантана таҷлил намуданд
Дар 26 шаҳру ноҳияи Тоҷикистон шуъбаҳои Вазорати корҳои дохилӣ бо биноҳои замонавӣ таъмин шуданд
Рӯзи милитсияи тоҷик дар Вилояти Мухтори Кӯҳистони Бадахшон ботантана таҷлил гардид
10 НОЯБР — РӮЗИ МИЛИТСИЯИ ТОҶИК. Барои беҳтар намудани шароити хизмат дар мақомоти корҳои дохилӣ беш аз 1500 иншоот бунёд гардидааст
Дар Душанбе бахшида ба Рӯзи милитсияи тоҷик ҷамъомади тантанавӣ доир шуд
Котиби Шурои амнияти Тоҷикистон дар вохӯрии котибони Шуроҳои амнияти кишварҳои ИДМ иштирок намуд