Тоҷикистон ва Туркия Харитаи роҳ оид ба афзоиши ҳаҷми гардиши савдоро омода месозанд
ДУШАНБЕ, 27.10.2021 /АМИТ «Ховар»/. Тоҷикистон ва Туркия тасмим гирифтанд, ки ояндаи наздик Харитаи роҳ оид ба бамаротиб афзоиш додани ҳаҷми гардиши савдо миёни Тоҷикистон ва Туркияро омода созанд. Масъалаи мазкур имрӯз дар мулоқоти муовини якуми Вазири рушди иқтисод ва савдои Ҷумҳурии Тоҷикистон Ашӯрбой Солеҳзода бо Сафири Ҷумҳурии Туркия дар Ҷумҳурии Тоҷикистон Эмре Зеки Карагол матраҳ шуд.
Вазорати рушди иқтисод ва савдои ҷумҳурӣ иттилоъ медиҳад, ки мусоҳибон масъалаҳои тақвияти ҳамкории тиҷоративу иқтисодӣ, таъсиси Гурӯҳи корӣ доир ба омодасозии Харитаи роҳ оид ба бамаротиб афзоиш додани ҳаҷми гардиши савдо миёни Тоҷикистон ва Туркия, ба имзо расонидани Ёддошти тафоҳум оид ба ҳамкорӣ байни минтақаҳои озоди иқтисодии ду кишвар, инчунин ҳамкорӣ дар соҳаи тиҷорати электронӣ ва дигар масъалаҳои муҳими ҳамкории тиҷоративу иқтисодӣ ва сармоягузориро баррасӣ намуданд.
Таъкид гардид, ки зарфи 9 моҳи соли равон ҳаҷми тиҷорати дуҷониба миёни Тоҷикистон ва Туркия беш аз 16 фоиз афзоиш ёфта, 58 фоизи ҳаҷми умумии он ба содироти Тоҷикистон рост меояд.
Ашӯрбой Солеҳзода зикр намуд, ки рушди ҳамкории мутақобилан судманд бо Туркия барои Тоҷикистон афзалияти аввалиндараҷа дошта, бо шарофати сиёсати оқилона ва дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Раҷаб Тайиб Эрдуғон муносибатҳои ду кишвар ба сатҳи сифатан нав баромаданд.
Дар интиҳо ҷонибҳо омодагии худро барои густариши бештари ҳамкории мутақобилан судманд баён намуданд.
АКС аз Вазорати рушди иқтисод ва савдои ҶТ
Стратегияи рушди соҳаи алоқаи Тоҷикистон ба шарикони рушд муаррифӣ карда шуд
Тоҷикистон бо Швейтсария ҳамкориро дар соҳаи энергетика ва захираҳои об густариш медиҳад
Фурӯши ғайриқонунии гиёҳҳои шифобахш пешгирӣ гардид
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Спитамен кишти зироат идома дорад
Дар бозори марказии Пенза барои фурӯши хушкмеваҳои Тоҷикистон гӯшаҳои махсус ҷудо карда шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Сарбанди Деҳқонобод дар обёрии беш аз 40 ҳазор гектар заминҳои кишоварзии Ҳамадонӣ, Фархор ва Восеъ нақши муҳим дорад
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Сарвазири Тоҷикистон бо фаъолияти ҶДММ «Парки нассоҷии шаҳри Кӯлоб» шинос гардид
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
