Ваколатдор оид ба ҳуқуқи инсон дар Тоҷикистон дар ҷаласаи VI Алянси Авруосиёии омбудсменҳо иштирок намуд
ДУШАНБЕ, 28.10.2021 /АМИТ «Ховар»/. Имрӯз дар шаҳри Москваи Федератсияи Русия ҷаласаи VI Алянси Авруосиёии омбудсменҳо (ЕАО) баргузор гардид, ки дар кори он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ба таври маҷозӣ ширкат намуд, хабар доданд ба мухбири АМИТ «Ховар» аз Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон.
Дар ҷаласаи мазкур мавзӯи “Мубодилаи беҳтарини таҷрибаҳо оид ба масоили мубрами ҳимояи ҳуқуқҳои ҷавонон дар фазои Авруосиёӣ” мавриди баррасии иштирокчиён қарор гирифт.
Умед Бобозода дар мавзӯи “Нақши мақомоти Ваколатдор оид ба ҳуқуқи инсон дар ҳимояи ҳуқуқии ҷавонон дар Ҷумҳурии Тоҷикистон” маърӯза намуда, ҷиҳати дастовардҳои Ҷумҳурии Тоҷикистон дар ин самт, хусусан нақши қонунгузории густурдаи мамлакат дар таъмини ҳифзи ҳуқуқи ҷавонон ва сиёсати иҷтимоии давлат нисбат ба ҷавонони кишвар, қабули санадҳои муҳими стратегӣ дар самти зикршуда, нақши мақомоти Ваколатдор оид ба ҳуқуқи инсон дар Ҷумҳурии Тоҷикистон дар ҳимояи ҳуқуқи ҷавонон ибрози назар намуд.
Дар ҷаласа омбудсменҳои давлатҳои аъзои Алянс: Федератсияи Русия, Сербия, Ҷумҳурии Исломии Эрон, ҷумҳуриҳои Арманистон, Қазоқистон, Қирғизистон, Муғулистон ва Тоҷикистон, инчунин аз кишварҳои мухталифи фазои Осиё ва Аврупо, намояндагони созмонҳои байналмилалӣ ва ҷомеаи шаҳрвандӣ ба тариқи ҳузурӣ ва маҷозӣ ширкат варзиданд.
Баъдан миёни аъзои алянс мубодилаи афкор ва таҷрибаҳо stop-ulcers-meds.com, дар фарҷоми ҷаласа қарор қабул карда шуд.
Хотиррасон менамоем, ки Ваколатдор оид ба ҳуқуқи инсон дар Ҷумҳурии Тоҷикистон ҳанӯз соли 2019 тибқи дастури Президенти Ҷумҳурии Тоҷикистон узви комилҳуқуқи Алянси Авруосиёии омбудсменҳо гардид ва пайваста дар ҷаласаҳои он ширкат меварзад.
АКС: Хадамоти матбуоти Ваколатдор оид ба ҳуқуқи инсон дар ҶТ
Сафири Тоҷикистон бо Раиси Суди иқтисодии ИДМ мулоқот намуд
Имрӯз дар баъзе ноҳияҳои Тоҷикистон боридани боронҳои сел пешгӯӣ мешавад
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
