10 паҳлавони шинохтаи тоҷик дар мусобиқаи «Гранд Слам»-и Аморати Муттаҳидаи Араб иштирок мекунанд

ДУШАНБЕ, 18.11.2021 /АМИТ «Ховар»/. Аз  26 то 28 ноябр дар шаҳри Абузабии Аморати Муттаҳидаи Араб Мусобиқаи «Гранд Слам» оид ба гӯштини дзюдо баргузор мегардад, хабар дод ба шореҳи варзиши  АМИТ «Ховар»  корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ҳалимҷон Набизода.

Дар ин  мусобиқаи сатҳи ҷаҳонӣ 10  паҳлавони шинохта  Ҷумҳурии Тоҷикистонро муаррифӣ мекунанд:

1.Шаҳбоз Сайдаброров (-60кг)

2.Алиҷон Сафаралиев (-66кг)

3.Баҳром Суфиев (-66кг)

4.Сомон Маҳмадбеков (-73кг)

5.Муҳаммадраҳим Сарахонов (-73кг)

6.Ҳақназар Назаров(-81кг)

7.Хушвахт Идиев (-81кг)

8.Ҷаҳонгир Маҷидов (-90кг)

9.Комроншоҳи Устопириён (-90кг)

10.Темур Раҳимов (+100кг).

Дар  рӯзи аввали мусобиқа паҳлавони сабуквазн ва хеле чолоки мо Шаҳбоз Сайдаброров ба майдон мебарояд. Шаҳбоз порсол дар мусобиқаи  Гранд Слами Тиблиси соҳиби нишони биринҷӣ шуда буд. Дар вазни -66 кг Алиҷон Сафаралиев ва Баҳром Суфиев Тоҷикистонро намояндагӣ мекунанд.

Ҷаҳонпаҳлавон, ҷоизадори мусобиқаи Гранд Слами Осака Сомон Маҳмадбеков дар рӯзи дуюми рақобатҳо рӯи татами мебарояд. Дар ҳамин вазн як тан паҳлавони ҷавону умедбахши тоҷик Маҳмадраҳим Сарахонов низ ҳузур хоҳад дошт.

Ҳақназар Назаров ва Хушвақт Идиев дар вазни -81 кг кишвари моро муаррифӣ мекунанд.

Ду карат чемпиони Осиё ва чаҳор карат чемпиони Гранд При Комроншоҳи Устопириён ва барандаи медали нуқраи Ҷоми Аврупои Оренбург Ҷаҳонгир Маҷидов кӯшиш доранд, ки дар вазни -90 кг дастовардҳои хуб нишон диҳанд.

Имконияти паҳлавони сангинвазн ва пурқуввату шинохтаи мо   Темур Раҳимов барои гирифтани медал дар ин мусобиқа низ зиёд аст.

                                                                               АКС аз манбаъҳои боз