ҚАСАМ БА НОМАТ, ЭЙ ВАТАН. Дар қисми ҳарбии шаҳри Хоруғ маросими савгандёдкунӣ баргузор шуд
ХОРУҒ, 09.11.2021 /АМИТ «Ховар»/. Наваскарони қисми ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар шаҳри Хоруғ барои садоқат ба халқу Ватан ва Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали Артиш муҳтарам Эмомалӣ Раҳмон савганд ёд намуданд. Дар маросими савгандёдкунӣ иҷрокунандаи вазифаи раиси вилоят Алишер Мирзонабот ва дигар шахсони расмӣ ширкат намуданд, иттилоъ дод мухбири минтақавии АМИТ «Ховар».
Наваскарони қисмҳои ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар пайи сафороии расмӣ бо хондани Суруди миллӣ дар ҳузури фармондеҳони ин қисми низомӣ ва волидонашон ба қабули савганди ҳарбӣ оғоз намуданд.
Иҷрокунандаи вазифаи раиси вилоят Алишер Мирзонабот наваскаронро ба муносибати 27-умин солгарди Рӯзи Конститутсияи Ҷумҳурии Тоҷикистон ва маросими савгандёдкунӣ самимона табрик гуфта, ба онҳо далериву матонат, саломатию сарфарозӣ ва дар иҷрои касби пуршараф бурдборӣ таманно намуда, изҳор дошт, ки имрӯзхо дар сафи Қувваҳои мусаллаҳи ҷумҳурӣ чавонони таҳамтану бовиқор, зираку чолок ва содиқ ба арзишҳои миллӣ дар ҳифзи марзу буми ватан саҳми арзишманд мегузоранд.
Дар маросим сардори Раёсати Кумитаи амнияти миллӣ дар вилоят, генерал- майор Абдусамад Салимзода, сардори Раёсати Қӯшунҳои сарҳадии Кумитаи амнияти миллӣ дар вилоят, генерал-майор Исматулло Одиназода ширкат варзида, наваскаронро ба муносибати ин лаҳзаи таърихии ҳаёташон табрик намуда, қабули савганди ҳарбиро ҳамчун нишонаи эҳтиром ва ҳифзи манфиатҳои милливу давлатӣ дар пойдории сулҳу субот ва шукуфоии доимии кишварамон маънидод намуданд.
Наваскарони ин қисми марзбонӣ дар фазои мутантан ба халқу Ватан содиқона қасам ёд карданд, ки оинномаи ҳарбӣ, амрҳои фармондеҳону сардорони худро бе чуну чаро иҷро карда, барои ҳифзи марзу буми ватан ҷонашонро нисор мекунанд.
Дар ҳамоиш ҳамчунин волидайни наваскарон аз шаҳру ноҳияҳои вилояту ҷумҳурӣ ширкат варзида, аз наваскарон даъват ба амал оварданд, ки дар таъмини ҳифзи оромию субот, амнияти миллат ва дахлнопазирии сарҳади давлатӣ тамоми кӯшишу ғайрати худро ба харҷ диҳанд. Хукумати Ҷумҳурии Тоҷикистон ба хотири таъмини шароити сарбозону афсарон ҳамасола кӯшишу талошҳои зиёд мекунад. Аз ин рӯ сол аз сол таъмини қисмҳои низомӣ бо силоҳу муҳимоти муосири ҷангӣ ва шароити маишии сарбозон боз ҳам беҳтар гардида истодааст.
АКСҲО: АМИТ «Ховар»
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
