Баҳодур Шерализода: «Тоҷикистон омода аст бо СММ ва кишварҳои шарик дар самти мубориза бо тағйирёбии иқлим ҳамкории зич дошта бошад»
ДУШАНБЕ, 11.11.2021 /АМИТ «Ховар»/. 10 ноябр дар доираи иштироки ҳайати Ҷумҳурии Тоҷикистон дар COP26 – Конфронси 26-уми ҷонибҳои Конвенсияи чорчӯбаи СММ оид ба тағйирёбии иқлим дар шаҳри Глазгои Британияи Кабир Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода аз номи ҳайати Тоҷикистон баромад намуд. Мавсуф зимни баромад таваҷҷуҳи вазирону роҳбарони ҳайатҳои дар Саммит иштироккунандаро ба ташаббуси Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон оид ба эълон намудани соли 2025 — Соли ҳифзи пиряхҳо ва муайян кардани санаи ҷашнгирии ҳамасолаи ин рӯз, инчунин таъсиси Хазинаи муҳофизати пиряхҳо дар Ҷумҳурии Тоҷикистон ҷалб намуд. Дар ин бора ба АМИТ «Ховар» аз Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Баҳодур Шерализода изҳор дошт, ки ҳудуди 60 дарсади ҳаҷми умумии захираҳои оби минтақа дар Тоҷикистон ташаккул меёбад, ки он дар раванди рушди устувори кишварҳои Осиёи Марказӣ нақши бузург мегузорад.
Раиси Кумита изҳор намуд, ки сарфи назар аз ҳадди ақалли партовҳои газҳои гулхонаӣ ба атмосфера, Тоҷикистон осебпазиртарин кишвар аз таъсири тағйирёбии иқлим ба шумор меравад.
Зикр шуд, ки Тоҷикистон тибқи уҳдадориҳояш дар доираи Созишномаи Париж ба котиботи Конвенсия саҳми дар сатҳи миллӣ муайяншудаи худро пешниҳод намуд, ки он бори дигар таваҷҷуҳи ҷиддии Ҳукумати кишварро ба масъалаи ҳифзи муҳити зист ва мутобиқшавӣ ба тағйирёбии иқлим нишон медиҳад.
Зимнан зикр гардид, ки Тоҷикистон омода аст минбаъд низ бо Созмони Милали Муттаҳид, кишварҳои шарик, донорҳо ва созмонҳои байналмилалӣ ҷиҳати андешидани тадбирҳои зарурӣ дар самти мубориза бо тағйирёбии иқлим ва оқибатҳои зиёновари он барои кишвар ҳамкории зич дошта бошад.
Аксҳо аз Кумитаи ҳифзи муҳити зисти назди Ҳукумати ҶТ
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
