Бонки миллии Тоҷикистон тасмим гирифтааст бо ширкати швейтсариягии «Landgart AG» ҳамкорӣ ба роҳ монад
ДУШАНБЕ, 18.11.2021 /АМИТ «Ховар»/. Дурнамои ҳамкории Бонки миллии Тоҷикистон бо ширкати швейтсариягии «Landgart AG» зимни мулоқоти Раиси Бонки миллии Тоҷикистон Ҳоким Холиқзода ва Директори минтақавӣ оид ба савдои ширкати «Landgart AG» хонум Муриел Шулер ва намояндаи тиҷоратии ин ширкат Томас Лиро дар Душанбе баррасӣ гардид, иттилоъ доданд аз БМТ ба АМИТ «Ховар».
Намояндагони ширкати «Landgart AG» доир ба паҳлуҳои фаъолияти ширкат, аз ҷумла оид ба хусусияти хоси раванди истеҳсоли коғази аълосифат, барориши пулҳои коғазӣ ва такмили унсурҳои ҳимоявии он, ҳамкорӣ бо бонкҳои марказии кишварҳои гуногун бо истифода аз рӯнамо маълумот манзур намуданд. Зикр шуд, ки ширкати Landgart AG» соли 1872 дар Швейтсария таъсис ёфта, асосан ба истеҳсоли коғазҳои аълосифат барои барориши пулҳои коғазӣ, коғазҳои қиматнок ва намудҳои дигари ҳуҷҷатҳо бо истифода аз таҷрибаи ғанӣ ва дастовардҳои муосири илмиву технологӣ машғул аст.
Ширкат бо бонкҳои марказии беш аз 50 давлати дунё, назири Швейтсария, Қазоқистон, Камбоҷа, Малайзия ва Марокаш дар самти барориши пулҳои коғазӣ ва такмили унсурҳои ҳимоявии пул ҳамкорӣ дошта, яке аз афзалияти он истеҳсоли маҳсулоти аз ҷиҳати экологӣ тоза мебошад.
Мусоҳибон инчунин масоили марбут ба ҳамкории минбаъдаи БМТ ва ширкати «Landgart AG»-ро матраҳ намуданд. Намояндагони ширкати «Landgart AG» Раиси Бонки миллии Тоҷикистон Ҳоким Холиқзодаро ҷиҳати боздид ва шиносоӣ бо фаъолияти ширкат ба қароргоҳи марказии «Landgart AG»- Швейтсария даъват намуданд.
АКСҲО: БМТ
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
ҚУРБИ АСЪОР: 1 евро аз 10.1500 то 10.3281 сомонӣ муқаррар шудааст
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
