Дар АМИТ ҷаласаи Комиссияи озмуни ҷумҳуриявии «Илм-фурӯғи маърифат» доир шуд
ДУШАНБЕ, 04.11.2021 /АМИТ «Ховар»/. Имрӯз дар Академияи миллии илмҳои Тоҷикистон ҷаласаи Комиссияи озмуни ҷумҳуриявии «Илм-фурӯғи маърифат» таҳти роҳбарии муовини Сарвазири Ҷумҳурии Тоҷикистон Матлубахон Сатториён баргузор шуд, — иттилоъ доданд аз Академияи миллии илмҳо ба АМИТ «Ховар».
Муовини Сарвазири ҷумҳурӣ Матлубахон Сатториён зимни ифтитоҳи ҷаласа иброз намуд, ки комиссияи мазкур даври сеюми озмунро баррасӣ менамояд ва дар даври ниҳоии он ғолибон муайян мешаванд. Даври ниҳоии озмуни ҷумҳуриявӣ аз 17 то 20 ноябр баргузор мегардад.
Президенти АМИТ, академик Фарҳод Раҳимӣ дар мавриди бурду бохти се даври озмуни ҷумҳуриявӣ маълумот дода, зикр намуд, ки роҳандозӣ шудани озмуни ҷумҳуриявии «Илм — фурӯғи маърифат» аксар истеъдодҳои ҷавонро дар самти илмҳои табиатшиносӣ муаррифӣ кард ва ин дастовард дар озмунҳои пешин мушоҳида намешуд.
Ба андешаи Фарҳод Раҳимӣ, муосирият, ки баъзан замони постмодернизм муаррифӣ мешавад, рушди тафаккури техникиро ба бор овард ва айни замон тамоми робитаҳо ва вижагиҳои табодул ва иртиботи байни давлатҳо тавассути технологияи рақамӣ анҷом меёбанд. Ба ибораи дигар, бидуни тафаккури техникӣ ва таъмин намудани воситаҳои коммуникатсионӣ барои инсони масъул наметавон дар марзи як кишвар раванди муосирсозиро такмил дод. Ҳатто таҳияи ҳукумати электронӣ дар дилхоҳ давлате танҳо дар сурати рушди тафаккури техникии шаҳрвандон имконпазир хоҳад шуд, вагарна ақибмонии мо аз кишварҳои тавсеаёфта рӯз аз рӯз идома ёфта, оқибат ин тафовут моро аз ҷаҳони муосир ҷудо мекунад. Пешвои миллат барои рафъ сохтани ин тафовут роҳандозӣ шудани озмунҳои гуногунро тавсия дод, то тафаккури техникӣ ва ҷаҳонбинии илмию фарҳангии ҳамватанони мо тақвият ёбад. Гузашта аз ин, бо дарназардошти омилҳои фарҳангӣ, илмӣ, иҷтимоӣ ва иқтисодию сиёсии авзоъ ва аҳволи кишварҳои рӯ ба инкишоф солҳои 2020-2040 Бистсолаи омӯзиши илмҳои табиатшиносӣ, дақиқ ва риёзӣ дар соҳаи илму маориф эълон гардид, ки аҳамияти стратегӣ дорад.
Ёдовар мешавем, ки дар ҷаласа Вазири маориф ва илми Ҷумҳурии Тоҷикистон, академик Маҳмадюсуф Имомзода, директори Институти математикаи АМИТ, академик Заррулло Раҳмонов ва дигарон маърӯза намуда, мушкилиҳоро баррасӣ намуданд.
АКСҲО: АМИТ
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
