Дар Бадахшон корҳои соҳилмустаҳкамкунӣ таҳти назорат гирифта шуданд

Ноябрь 20, 2021 10:45

ДУШАНБЕ, 20.11.2021 /АМИТ «Ховар»/. Тибқи супориши иҷрокунандаи вазифаи Раиси Вилояти Мухтори Куҳистони Бадахшон Алишер Мирзонабот гуруҳи корӣ таҳти роҳбарии муовини якуми раиси вилоят Низом Мирзозода бо корҳои соҳилмустаҳкамкунӣ дар вилоят аз наздик шинос шуд. Бо ин мақсад  гурӯҳи корӣ ба  ноҳияи Рӯшон рафта, бо  ҷараёни  корҳои соҳилмустаҳкамкунӣ дар ин минтақа шинос шуд,  хабар медиҳад АМИТ «Ховар» бо истинод ба мақомоти иҷроияи ҳокимияти давлатии ВМКБ.

Маълум гардид, ки сокинони деҳаи Поҷвари Ҷумҳурии Исломии Афғонистон бо маблағгузории шарикони рушд ва саҳмгузории сокинони деҳаи Поҷвар аз тарафи Афғонистон дандонсадда сохта истодаанд.  Дандонсаддаи мазкур  барои соҳили чапи дарёи Панҷи Ҷумҳурии Тоҷикистон хатар эҷод мекунад.  Он сабаби аз байн бурдани зиёда аз 140 гектар заминҳои корами обии деҳаҳои Дерзуд, Барзуд ва Баррӯшони ҷамоати деҳоти Н. Додихудоеви ноҳияи Рӯшон гардида, инчунин эҳтимолияти хатари шусташавии роҳи байналмилалии Хоруғ- Душанбе, зери об мондани як адад фермаи чорводорӣ, 20 адад хонаи истиқоматӣ, базаи лагистикии Агентии захираҳои моддии давлатии назди Президенти Ҷумҳурии Тоҷикистонро  ба вуҷуд меорад.

Бинобар ин муовини якуми Раиси Вилояти Мухтори Куҳистони Бадахшон Низом Мирзозода оид ба корҳои сохтмонӣ нисбат ба  ин масъала эроди ҷиддӣ гирифта, ба маъсулини сохтмон барои бартараф намудани камбудиҳои ҷойдошта супоришҳои мушаххас дод.

Ҷараёни  иҷрои корҳои соҳилмустаҳкамкунӣ таҳти назорати мақомоти иҷроияи ҳокимияти давлатии ВМКБ  қарор дорад.

АКСҲО: МИҲД-И ВМКБ

Ноябрь 20, 2021 10:45

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст