Дар Хатлон оид ба инъикоси касбии пандемияи COVID-19 барои рӯзноманигорон машварат доир шуд

Ноябрь 9, 2021 11:50

ДУШАНБЕ, 9.11.2021. /АМИТ «Ховар»/. Аз 5 то 8 ноябр дар шаҳри Бохтари вилояти Хатлон дар мавзӯи «Нақши ВАО дар давраи пандемияи COVID-19» барои рӯзноманигорони расонаҳои электронию чопӣ ва кормандони хадамоти матбуоти мақомоти тандурустии вилояти Хатлон машварати таълимӣ доир шуд, иттилоъ доданд аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар».

Ин чорумин тренинг аз силсилаи омӯзишҳоест, ки бо ташаббуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар доираи «Лоиҳаи фавқулодаи муқовимат ба вируси COVID-19 дар Тоҷикистон» (TEC-19) гузаронида шуда, аз ҷониби Ҳукумати Ҷумҳурии Тоҷикистон бо дастгирии Бонки ҷаҳонӣ амалӣ карда мешавад. Шарики иҷроияи тренингҳо Ассотсиатсияи тандурустии ҷамъиятии Тоҷикистон (АТҶТ) мебошад.

Директори Ассотсиатсияи тандурустии ҷамъиятии Тоҷикистон Рустам Турсунов иброз дошт, ки ҳадафи асосии ин машварат- баланд бардоштани сатҳи огоҳии кормандони матбуот оид ба бемории нави сироятии COVID-19, омӯзонидани онҳо ҷиҳати паҳн кардани иттилооти воқеӣ ва боэътимод тавассути шабакаҳои ВАО бо мақсади тарғиби рафтори мувофиқи тамоми табақаҳои ҷомеа дар шароити пандемия мебошад. Тренингҳо инчунин ба баланд бардоштани иқтидори коммуникатсионии хадамоти матбуоти вазорату идораҳо барои ҳамкории минбаъда бо аҳолӣ ва ВАО мусоидат мекунанд.

Сардори Раёсати тандурустии вилояти Хатлон Мирзоалӣ Раҷабзода аз рӯзноманигорон даъват ба амал овард, ки вобаста ба паҳн кардани иттилооти боэътимод дар бораи манфиатҳои ваксина ва нақши муҳими он дар наҷоти ҳаёти одамон мусоидат намоянд.

Коршиносони соҳаи тиб ҳамчунин иброз доштанд, ки саломатӣ ва некӯаҳволии ҳар фарди ҷомеа аз маъракаи бомуваффақияти эмгузаронӣ вобастагӣ дорад ва аз рӯзноманигорон даъват карданд, ки ҳарчӣ зудтар дар эҷоди масунияти оммавӣ кумак кунанд, ки ин шарти муҳими рафъи пандемия хоҳад буд.

Тренерҳои ВАО роҳҳои пешниҳоди маълумотро дар бораи сирояти коронавирус бо назардошти жанр ошкор намуда, ба иштирокчиён усулҳои тасдиқи иттилоотро омӯзониданд.

Ноябрь 9, 2021 11:50

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид