Дар Раёсати Вазорати корҳои дохилӣ дар вилояти Суғд санги асоси бинои иловагӣ гузошта шуд
ДУШАНБЕ, 15.11.2021 /АМИТ «Ховар»/. 13 ноябр зимни сафари Вазири корҳои дохилӣ, генерал-полковники милитсия Рамазон Раҳимзода оид ба санҷиши ҳолати зимистонгузаронӣ дар тамоми сохторҳои қудратӣ дар вилояти Суғд санги асоси бинои иловагии Раёсати Вазорати корҳои дохилӣ дар вилоят гузошта шуд, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Бинои мазкур дар арафаи ҷашни 30-солагии Иҷлосияи 16-уми Шӯрои Олии Ҷумҳурии Тоҷикистон моҳи ноябри соли 2022 ба истифода дода мешавад.
Бинои маъмурии сохташаванда аз чор ошёна бо таҳхона иборат буда, дар он тамоми инфрасохтори зарурӣ, аз ҷумла 45 утоқи корӣ, ошхона, меҳмонхона ва толори варзишӣ ба нақша гирифта шудааст.
Дар маросими гузоштани санги асос Вазири корҳои дохилӣ Рамазон Раҳимзода ва Раиси вилояти Суғд Раҷаббой Аҳмадзода иштирок намуда, зимни шиносоӣ бо лоиҳаи сохтмон ба масъулин ҷиҳати бо сифати баланд анҷом додани корҳои сохтмонӣ дастуру супоришҳои мушаххас доданд.
АКСҲО: ВКД ҶТ
Имрӯз дар Тоҷикистон ҳавои камабри бебориш дар назар аст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
