Дар Суғд ба ифтихори Рӯзи Президент мусобиқаҳои варзишӣ баргузор шуданд
ДУШАНБЕ, 13.11.2021 /АМИТ «Ховар»/. Дирӯз, 12 ноябр дар маҷмааи варзишии Донишгоҳи давлатии ҳуқуқ, бизнес ва сиёсати Тоҷикистон дар шаҳри Хуҷанди вилояти Суғд мусобиқаҳои варзишие, ки ба муносибати Рӯзи Президент баргузор гардида буданд, ҷамъбаст шуданд.
Тавре аз Хадамоти матбуоти вилояти Суғд ба АМИТ «Ховар» хабар доданд, мусобиқаҳо аз рӯи намуди футбол, волейбол, тенниси рӯйи миз, шашка ва шоҳмот шурӯъ аз 28 октябр миёни факултетҳои ДДҲБСТ роҳандозӣ гардиданд.
Ҳадаф аз баргузории мусобиқаҳои мазкур- ҷалби ҷавонон ба варзиш ва тарғибу ташвиқи тарзи ҳаёти солим мебошад. Хушбахтона, давоми солҳои охир таваҷҷуҳи ҷавонон, махсусан ҷавондухтарон ба тарзи ҳаёти солим ва машғул гардидан ба варзиш афзудааст. Ин аст, ки онҳо дар мусобиқаҳои ҷумҳуриявиву байналмилалӣ ширкат варзида, бо гирифтани мақомҳои ифтихорӣ дар боло бурдани нуфузу мақоми кишвари худ саҳм мегузоранд.
Зикр карда шуд, ки дар вазъияти тантанавӣ ба донишҷӯёне, ки дар мусобиқаҳои варзишӣ ғолиб гардида буданд, диплому медал ва туҳфаҳои хотиравӣ тақдим карда шуданд.
АКС аз Хадамоти матбуоти вилояти Суғд
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
