Дар Тоҷикистон машқҳои махсуси тактикии «Кобалт-2021» оғоз гардиданд
ДУШАНБЕ, 17.11.2021 /АМИТ «Ховар»/. Аз 15 то 20 ноябр дар пойгоҳи ҳарбии «Фахробод»-и Ҷумҳурии Тоҷикистон таҳти унвони «Кобалт-2021» дар мавзӯи «Банақшагирӣ ва гузаронидани амалиёти махсус барои нест кардани гурӯҳҳои мусаллаҳи ғайриқонунӣ» бо иштироки воҳидҳои таъйиноти махсуси вазоратҳои корҳои дохилӣ ва Қувваҳои зудамали фаврии Созмони Аҳдномаи амнияти дастҷамъӣ (СААД) машқҳои махсуси тактикӣ ҷараён мегиранд, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Машқҳои махсуси тактикӣ бо мақсади мустаҳкам намудани ҳамкории байналмилалии сохторҳои қудратӣ ва низомӣ дар мубориза бар зидди хатару таҳдидҳои замони муосир роҳандозӣ гардидаанд.
Барои иштирок дар ин машқҳо ҳайати намояндагони ҷумҳуриҳои Арманистон, Беларус, Қазоқистон, Қирғизистон, Федератсияи Русия ва СААД ба Ҷумҳурии Тоҷикистон омаданд. Ҳамчунин воҳидҳои таъйиноти махсуси Вазорати корҳои дохилии Ҷумҳурии Тоҷикистон ва пойгоҳи низомии 201-уми Федератсияи Русия дар Ҷумҳурии Тоҷикистон дар машқҳои тактикӣ фаъолона иштирок намуда, малакаю маҳорати худро такмил дода, табодули таҷриба менамоянд.
Мавриди зикр аст, ки марҳилаи фаъоли машқҳои махсуси тактикӣ таҳти унвони «Кобалт-2021» 19 ноябр дар назар дошта шуда, дар тамрини мазкур роҳбарияти Вазорати корҳои дохилӣ ва роҳбарони мақомоти ҳифзи ҳуқуқ ва қудратии Ҷумҳурии Тоҷикистон, намояндагони якчанд корпусҳои дипломатии давлатҳои аъзои СААД иштирок менамоянд.
АКСҲО: ВКД ҶТ
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
