Директори Мактаби ронандатайёркунии ҶДММ «Чархи Роғун» бо ҷурми қаллобӣ боздошт гардид

Ноябрь 9, 2021 15:36

ДУШАНБЕ, 09.11.2021 /АМИТ «Ховар»/. Директори Мактаби ронандатайёркунии ҶДММ «Чархи Роғун»-и шаҳри Истаравшан Нематулло Ибодуллозода бар ивази тайёр карда додани шаҳодатномаи ронандагӣ аз шаҳрванд «А» маблағ талаб намуда, баъди аз шаҳрванд гирифтани маблағ дар ҷойи ҳодиса дастгир гардид, хабар медиҳад АМИТ «Ховар» бо истинод ба маркази матбуоти Агентии назорати давлатии молиявӣ ва мубориза бо коррупсия. 

«Нематулло Ибодуллозода дар вазифаи директори Мактаби ронандатайёркунии ҶДММ «Чархи Роғун»-и шаҳри Истаравшан кор карда, бо мақсади тасарруфи молу мулки ғайр бо роҳи фиреб ва суиистифодаи боварӣ бо маслиҳати пешакӣ бо шаҳрванд Абдуллоев Илҳомҷон Иномҷонович барои тайёр карда додани шаҳодатномаи ронандагии дараҷаҳои «В,С,Е» аз шаҳрванд «А» маблағи 8200 сомонӣ талаб намуда, аз ин маблағ 5000 сомонӣ гирифтааст ва боз оварда додани боқимонда маблағ — 3200 сомониро талаб кардааст», — хабар доданд аз Агентӣ.

Дар натиҷаи гузаронидани чорабиниҳои фаврӣ-тафтишотӣ бевосита баъди аз шаҳрванд «А» гирифтани маблағи 3200 сомонӣ Нематулло Ибодуллозода дар ҷойи ҳодиса дастгир гардида, маблағи мазкур ҳамчун делали шайъӣ дарёфт ва гирифта шуд.

Оид ба ҳолати мазкур нисбат ба Нематулло Ибодуллозода ва Абдуллоев Илҳомҷон Иномҷонович бо моддаи 247 қисми 2 бандҳои «б,в,г»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди ба анҷом расонидани тафтиши пешакӣ он бо тасдиқи фикри айбдоркунӣ барои моҳиятан баррасӣ намудан ба суд ирсол гардид.

Агентии назорати давлатии молиявӣ ва мубориза бо коррупсияи Ҷумҳурии Тоҷикистон ба ҳамаи шаҳрвандони мамлакат чунин муроҷиат мекунад:

«Дар хотир дошта бошед, ки коррупсия ҳамчун ҷинояти вазнин яке аз унсурҳои таҳдидкунанда ба амнияти миллӣ ва халалдоркунандаи рушду суботи иҷтимоию иқтисодии давлат мегардад. Биёед бо ин зуҳуроти хавфноки ҷомеа якҷоя муқовимат намоем! Телефони боварии мо: (+992 37) 224 – 23-23».

АКС: Агентии назорати давлатии молиявӣ ва мубориза бо коррупсияи ҶТ

Ноябрь 9, 2021 15:36

Хабарҳои дигари ин бахш

ОБУ ҲАВО: 17-18 август дар Тоҷикистон омадани селҳои пиряхӣ дар назар аст
Дар Мастчоҳ бинои нави Хадамоти давлатии оташнишонӣ ба истифода дода шуд
Пойгоҳи техникии филиали ширкати «IRS» дар Тоҷикистон ба 218 адад техникаву механизм расонида шуд
ОБУ ҲАВО. Имрӯз дар баъзе ноҳияҳои Тоҷикистон ҳаво то 36+41 дараҷа гарм мешавад
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар Истаравшан бинои маъмурии идораи ҳифзи муҳити зист ифтитоҳ ёфт
ОБУ ҲАВО: Имрӯз дар Тоҷикистон ҳавои тағйирёбандаи бебориш пешгӯӣ мешавад
ОБУ ҲАВО: 13-14 август дар Тоҷикистон омадани селҳои пиряхӣ дар назар аст
ОБУ ҲАВО: Имрӯз дар шаҳри Душанбе ҳаво рӯзона 35+37 дараҷа гарм мешавад
МАЪРИФАТИ ЭКОЛОГӢ. Бо сокинону истироҳаткунандагони соҳили дарёи Варзоб корҳои фаҳмондадиҳӣ гузаронида шуданд
ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон вазиши сахти шамол ва ба амал омадани чангу ғубор дар назар аст

Маводҳои таҳлилӣ