ЭҲТИЁТ-НИМИ ҲАЁТ! Ҳушдори Сарраёсати хадамоти давлатии оташнишонии ВКД-и Тоҷикистон

Ноябрь 25, 2021 11:58

ДУШАНБЕ, 25.11.2021. /АМИТ «Ховар»/. Бо мақсади пешгирӣ намудани  ҳодисаҳои сӯхтор, ки  дар фасли сармо эҳтимоли сар задани онҳо меафзояд,  имрӯзҳо  гурӯҳи кории  Сарраёсати хадамоти давлатии оташнишонии Вазорати корҳои дохилии  Ҷумҳурии Тоҷикистон дар вазорату кумитаҳо, муассисаву ташкилоти мухталиф  ва маҳаллаҳои аҳолинишину манзилҳои истиқоматии ҳудуди пойтахт ва тамоми шаҳру ноҳияҳои ҷумҳурӣ корҳои профилактикӣ-оташнишонӣ ва фаҳмондадиҳӣ омӯзиширо  ба роҳ мондааст, хабар медиҳад АМИТ «Ховар» бо истинод ба Вазорати корҳои дохилии мамлакат.

«Аз ҷумла, чунин чорабиниҳои мақсадноки зиддисӯхторӣ бо  роҳбарии сармутахассиси шуъбаи назорати давлатии бехатарӣ аз сӯхтори Сарраёсати мазкур  Хуршед Шарифзода дар муассисаҳои давлатии «Литсейи касбии махсуси маъюбон»-и ноҳияи Синои шаҳри Душанбе мансуб ба Вазорати меҳнат, муҳоҷират ва шуғли аҳолии Ҷумҳурии Тоҷикистон, ки дар он 243 нафар хонандагони имкониятҳояшон маҳдуд (маъюбон) ба таълиму тарбия фаро гирифта шудааст, «Мактаб-интернати ҷумҳуриявии кӯдакони шунавоияшон суст ва деркаршуда»-и ноҳияи Рӯдакӣ, ки дар тавозуни  Вазорати маориф ва илми Ҷумҳурии Тоҷикистон қарор дорад  ва дорои  216 нафар хонандагон мебошад, инчунин   дар «Маҷмааи таълимию таҷрибавии кори иҷтимоӣ ва инноватсияҳо»-и ноҳияи Варзоб мансуб ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ки дар он айни замон  30 нафар кӯдакони маъюб ба табобат фаро гирифта шудааст, ташкил ва гузаронида шуданд», -афзуд манбаъ.

Зимни баргузории чорабиниҳои зиддисӯхторӣ аз тарафи кормандони соҳа ба ҳолати коршоямии лавозимоти аввалиндараҷаи оташнишонӣ, низоми  автоматикии аз сӯхтор воқифкунанда, ҳавзу гидрантҳо ва ҷумакҳои дохилии оташнишонӣ, сипару хатҳои интиқоли қувваи барқ, манбаҳои гармидиҳӣ ва истифодаи оқилонаи асбобу таҷҳизотҳои барқиву газӣ, озод нигоҳ дошташудани роҳҳои ҳаракати нақлиёти оташнишонӣ ва таҳлиявӣ, риояи меъёру талаботи қоидаҳои бехатарӣ дар хобгоҳҳо ва биноҳои таълимию маъмурӣ, инчунин ба сатҳи дониши мутасаддиёну кормандони муассисаҳо вобаста ба амали онҳо дар вақти рух додани ҳодисаи сӯхтору  дигар ҳолатҳои фавқулодда диққати ҷиддӣ зоҳир карда шуд.

Ҳамчунин бо масъулону мураббияҳо ва дигар кормандони масъули муассисаҳо оид ба истифодабарии лавозимоти аввалиндараҷаи оташнишонӣ, тартиби дурусти даъвати Хадамоти давлатии оташнишонӣ, ташкили таҳлияи муташаккилонаи одамон аз бинои оташгирифта ва дигар мавзӯъҳои барои пешгирию рафъи ҳодисаҳои сӯхтор зарур машғулиятҳои назариявию амалӣ баргузор карда шуданд.

Ҳадафи асосии баргузории чунин чорабиниҳо,  қабл аз ҳама пешгирии ҳодисаҳои сӯхтор ва маҳдуд сохтани оқибати он, муайян намудани сатҳи омодагии дружинаҳои идоравии оташнишонӣ ҷиҳати пешгирӣ ва бартарафсозии сӯхтору дигар ҳодисаҳои нохуш, инчунин расонидани ёрии амалии кормандони соҳа ба масъулону мутасаддиён дар бартарафсозии камбудию норасоиҳои ҷойдошта мебошад.

Дар интиҳои чорабиниҳои мақсаднок аз ҷониби сарварони муассисаву корхонаҳо ва раисони Шӯрои маҳаллаҳову шаҳрвандон ба роҳбарияти Вазорати корҳои дохилӣ ва Сарраёсати хадамоти давлатии оташнишонӣ барои ташкил ва гузаронидани чунин корҳои омӯзишӣ-фаҳмондадиҳии муҳиму саривақтии зиддисӯхтор изҳори сипос карда шуд.

АКСҲО: ВКД ҶТ

Ноябрь 25, 2021 11:58

Хабарҳои дигари ин бахш

Маркази матбуоти Прокуратураи ВМКБ хабар медиҳад
Муовини Вазири корҳои дохилии Тоҷикистон бо Намояндаи Раёсати минтақавии Комиссари Олии СММ оид ба Осиёи Марказӣ мулоқот намуд
Намояндагони ВКД Тоҷикистон дар ҷаласаи 89-уми Ассамблеяи генералии «Интерпол» иштирок доранд
Дар Тоҷикистон нақшаи даъвати тирамоҳӣ 83,1 фоиз иҷро гардид
Муовини котиби Шӯрои амнияти Русия доир ба таҳдидҳо аз Афғонистон ба Тоҷикистон изҳори назар намуд
Вазири корҳои дохилӣ бо муовини Котиби генералии СААД мулоқот намуд
ИМРӮЗ – РӮЗИ БАЙНАЛМИЛАЛИИ ПОСИ ХОТИРИ ҚУРБОНИЁНИ САДАМАҲОИ НАҚЛИЁТӢ. Дар нуҳ моҳи соли равон дар Тоҷикистон бар асари чунин ҳодисаҳо 290 нафар шаҳрвандон ба ҳалокат расидаанд
Ронандаи дағалрафтори «Автобус»-и хатсайти №8 ҷаримабандӣ ва аз кор ронда шуд
Маросими пӯшидашавии машқҳои тактикии «Кобалт-2021» баргузор гардид
АМНИЯТ ВА РУШДИ ОСИЁИ МАРКАЗӢ ДАР ШАРОИТИ НАВИ ВАЗЪИЯТ ДАР АФҒОНИСТОН. Ин масъала зимни ҳамоиши байналмилалӣ дар Душанбе мавриди баррасии таҳлилгарон қарор гирифт
КОБУЛ ЯКЕ АЗ ХАВФНОКТАРИН НУҚТАҲОИ САЙЁРА ГАРДИД. Дар ин бора имрӯз сиёсатшинос, сардори Маркази омӯзиши сиёсати Афғонистон Андрей Серенко изҳори назар намуд
Дар Хатлон доир ба ҷараёни маъракаи даъвати ҷавонон ба хизмати ҳарбӣ ҷаласаи корӣ доир шуд