Гулчеҳра Қоҳирова: Астероиди 4660 Nereus барои Замин ягон хатар надорад

Ноябрь 11, 2021 08:48

ДУШАНБЕ, 11.11.2021 /АМИТ «Ховар»/. Тавре қаблан иттилоъ додем, 11 декабр астероиди 4660 Nereus ба Замин наздик мешавад ва аз сайёра дар масофаи тақрибан 3,9 миллион километр парвоз мекунад. Доир ба ин мавзӯъ директори Пажӯҳишгоҳи астрофизикаи Академияи миллии илмҳои Тоҷикистон (АМИТ) Гулчеҳра Қоҳирова ба мухбири АМИТ «Ховар» андешаҳояшро иброз намуд.

Ба иттилои мавсуф, астероиди (4660) Nereus 28  феврали соли 1982 дар расадхонаи Паломари иёлати Калифорнияи Иёлоти Муттаҳидаи Америко кашф шудааст. Астероид ба гурӯҳи бузурги Апаллон дохил гардида, ба астероидҳои наздизаминӣ мансуб аст. Аз тарафи олимони соҳа астероид эҳтимолан хатарнок тасниф карда шуда, андозаи он ба 330 метр  баробар аст ва тахминан ҳар ду сол дар атрофи Офтоб як бор гардиш мекунад.

Астероид соли 2021 наздикшавӣ ба Заминро оғоз карда, 11  декабр, соати 01:13 ба вақти маҳаллӣ дар масофаи қариб 4 миллион километр ба сайёраи мо ҳарчӣ бештар наздик хоҳад шуд. Ин масофа аз масофаи байни сайёраи Замин ва Моҳ 7 баробар зиёд аст. Бино ба маълумоти Маркази тадқиқоти NASA, аз соли 1900 то 2011 астероид ба Замин 16 маротиба наздик шудааст ва наздикшавии навбатии он моҳи марти соли 2032 дар  назар мебошад. Бо вуҷуди ин, моҳи декабри соли 2112 бозгашти наздиктарини ӯ ба Замин рух медиҳад. Гарчанде ки астероид эҳтимол хатарнок ва андозаи он хеле калон аст, аммо масофаи нисбатан калони наздикшавии он ба Замин моҳи декабри соли 2021 эҳтимоли бархӯрди астероидро бо Замин ночиз мекунад. Ба ибораи дигар, астероид барои Замин умуман хатари воқеӣ надорад.

Баҳри таҳлили дақиқи астероиди 4660 Nereus Институти астрофизикаи АМИТ тасмим гирифтааст, ки ҳангоми наздикшавӣ астероидро пурра мушоҳида намуда, хусусиятҳои физикию динамикии онро омӯзад.

 

Аксҳо аз бойгонии АМИТ «Ховар»

Ноябрь 11, 2021 08:48

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад