Иля Федоров, директори департаменти Вазорати рушди иқтисоди ФР: Иқтидори тиҷоратии Русия ва Тоҷикистон ба тавре ки мебояд, истифода нашудааст
ДУШАНБЕ, 11.11.2021 /АМИТ «Ховар»/. Иқтидори тиҷоратии Русия ва Тоҷикистон пурра амалӣ нагардидааст. Чунин изҳор намудааст директори департаменти рушди лоиҳаҳои ҳамгироӣ ва кишварҳои ИДМ-и Вазорати рушди иқтисоди Федератсияи Русия Иля Федоров (ДАР СУРАТ) дар ҷараёни мизи мудаввар бахшида ба рушд ва такмили ҳамкории тиҷоратию иқтисодӣ, ки дар ҳошияи Форуми VII байнипарлумонии «Русия-Тоҷикистон: иқтидори ҳамкории байниминтақавӣ» доир гардид.
«Русия шарики асосии тиҷоратии Тоҷикистон маҳсуб шуда, соли гузашта ҳиссаи мо дар гардиши мол 21,4 фоиз, соли равон 19,8 фоизро ташкил дод», — гуфт ӯ.
Федоров ҳамчунин зикр намуд, ки дар 8 моҳи соли 2021 афзоиши ҳаҷми муомилоти мол тақрибан 50 дарсад афзоиш ёфтааст. Вай хушбинона ин тамоюлро мусбат арзёбӣ намуда, изҳор дошт, ки нишондиҳандаҳои оморӣ бояд «ба рақами миллиард ва бештар аз он» наздик шаванд.
Намояндаи Вазорати рушди иқтисоди Федератсияи Русия изҳор дошт, ки сатҳи мутақобилаи иқтисодию тиҷоратии Русия ва Тоҷикистон ба иқтидори мавҷуда мутобиқат намекунад.
Барои фаъол гардонидани ҳамкории ду кишвар, ба гуфтаи Федоров, тарҳҳои нави муштарак, роҳандозии равобити мутақобилаи ширкатҳо, фаъолтар истифода бурдани имконоти ниҳодҳои пуштибони содирот ва ҳалли якчанд масъалаҳои иқтисодӣ зарур аст.
Акс аз Вазорати рушди иқтисоди ФР
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
«Барномаи рушди сайёҳии дохилии Ҷумҳурии Тоҷикистон барои солҳои 2027-2031» қабул гардид
Робитаҳои соҳибкорӣ байни Тоҷикистон ва Фландрияи Подшоҳии Белгия густариш меёбанд
Ҷаласаи Ситоди байниидоравӣ оид ба ҳамоҳангсозии амалишавии сиёсати макроиқтисодӣ доир шуд
Тоҷикистон ва Фландрияи Шоҳигарии Белгия ҳамкории тиҷоратию иқтисодиро густариш медиҳанд
Вазири нақлиёти Тоҷикистон ва Раиси вилояти Гулистони Эрон ҳамкорӣ дар соҳаи нақлиёт ва логистикаро баррасӣ намуданд
«РОҒУН» — КОХИ НУР. Сарбанди ин неругоҳ баландтарин садди обӣ дар ҷаҳон хоҳад буд
Сармоягузорони Эрон бо имконоти истеҳсолии Минтақаи озоди иқтисодии «Данғара» шинос шуданд
Таҳияи Харитаи роҳ оид ба татбиқи Нақшаи глобалии амали гендерӣ дар соҳаи гуногунии биологӣ дар Тоҷикистон баррасӣ гардид
Дар Тоҷикистон 1,1 ҳазор нуқтаи нави фурӯши неруи барқ барои нақлиёти барқӣ сохта мешавад
