Ҳиндустон интизори Русия ва Тоҷикистон дар машваратҳо оид ба Афғонистон аст
ДУШАНБЕ, 02.11.2021 /АМИТ «Ховар»/. Мақомоти Ҳиндустон интизор доранд, ки дар нишасти намояндагони хадамоти амнияти миллӣ дар ин кишвар мақомоти баландпоя аз Русия, Покистон, Чин, Эрон, Узбекистон ва Тоҷикистон ширкат мекунанд. Тавре АМИТ «Ховар» хабар медиҳад, дар ин бора дирӯз, 1 ноябр, қабл аз анҷоми рисолати худ Сафири Ҳиндустон дар Федератсияи Русия Бала Венкатеш Варма дар мусоҳиба бо ТАСС иттилоъ дод.
Ба гуфтаи ӯ, баргузории мулоқоти намояндагони баландпояи хадамоти амнияти миллии кишварҳои минтақа дар Ҳиндустон 10 ноябр дар назар аст.
Ёдовар мешавем, ки пас аз тасарруфи Кобул аз сӯи толибон кишварҳои минтақа барои баргузории машваратҳои доимӣ оид ба Афғонистон мувофиқат карданд. Машваратҳо дар сатҳҳои гуногун сурат мегиранд. Аз ҷумла, чунин машваратҳо 20 октябр дар пойтахтҳои Тоҷикистон ва Русия баргузор шуданд.
Дар нишасти Душанбе раҳбарон ва намояндагони хадамоти махсуси Эрон, Қазоқистон, Чин, Покистон, Русия, Тоҷикистон ва Узбекистон ширкат доштанд. Тавре дар баёнияи умумии иштирокдорони ҷаласа гуфта мешавад, ҷонибҳо вазъи мураккаб дар Афғонистонро, ки дар онҷо амалҳои террористӣ ва дигар амалҳои хушунатомез идома дошта, боиси талафоти зиёди инсонӣ гардидаанд, зикр намуданд. Иштирокчиёни вохӯрӣ аҳамият ва зарурати ташкили ҳукумати фарогирро бо дарназардошти манфиатҳои ҳамаи гурӯҳҳои этникӣ, иҷтимоӣ ва динӣ, инчунин истифодаи платформаҳои созмонҳои байналмилалиро барои ҳалли вазъ дар Афғонистон таъкид намуданд.
АКС: РИА Новости
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
Ҳабибулло Воҳидзода бо аъзои иттиҳодияи ҷамъиятии «Пайравони Пешвои миллат» вохӯрӣ намуд
