Муовини Вазири корҳои дохилии Тоҷикистон бо Намояндаи Раёсати минтақавии Комиссари Олии СММ оид ба Осиёи Марказӣ мулоқот намуд
ДУШАНБЕ, 25.11.2021. /АМИТ «Ховар»/. Ҷумҳурии Тоҷикистон ҳамеша ба гурезаҳо ва шахсони паноҳҷӯянда таваҷҷуҳи хосса зоҳир намуда, баҳри ҳимояи ҳифзи ҳуқуқ ва амнияти онҳо мутобиқи меъёрҳои байналмилалӣ тадбирҳои зарурӣ меандешад. Ин нуктаро муовини Вазири корҳои дохилии Ҷумҳурии Тоҷикистон, генерал-майори милитсия Саиднахш Раҳмонзода зимни мулоқот бо Намояндаи Раёсати минтақавии Комиссари Олии СММ оид ба Осиёи Марказӣ Ханс Шеддер, ки 22 ноябри соли равон доир гардид, иброз дошт, хабар медиҳад АМИТ «Ховар» бо истинод ба Вазири корҳои дохилии мамлакат.
Саиднахш Раҳмонзода дар идомаи суҳбат зикр кард, ки «дар Ҷумҳурии Тоҷикистон риояи меъёрҳои асосии инсондӯстӣ нисбат ба гурезагон ва паноҳҷӯяндагон, аз он ҷумла, истифодаи ҳамаи ҳуқуқҳои шаҳрвандӣ, ки дар Эъломияи умумии ҳуқуқи башар дарҷ гардидаанд, кафолат дода мешавад. Дар ин радиф мақомоти корҳои дохилӣ омода аст бо Намояндагии Раёсати минтақавии Комиссари Олии СММ оид ба Осиёи Марказӣ дар чаҳорчӯби қонунгузорӣ ҳамкорӣ намояд»,-афзуд манбаъ.
Ҷонибҳо дар ҷараёни мулоқот ҷиҳати боз ҳам мустаҳкам намудани ҳамкорӣ дар соҳаи таъмини амният ва рушди муносибатҳои дуҷониба изҳори ҳавасмандӣ намуда, дар ин самт таклифҳои судманд пешниҳод карданд.
Намояндаи Раёсати минтақавии Комиссари Олии СММ оид ба Осиёи Марказӣ Ханс Шеддер барои пазироии самимӣ ва ҳамкории мутақобилан судманд ба роҳбарияти Вазорати корҳои дохилӣ изҳори миннатдорӣ баён намуд.
АКС: ВКД ҶТ
Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
Дар Тоҷикистон назорат барои таваққуфи нодуруст дар ҷойҳои манъшуда пурқувват карда шуд
Дар Душанбе Маркази зиддимухаддиротии Созмони ҳамкории Шанхай таъсис меёбад
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
