Ҳоким Холиқзода: Конститутсия дар Тоҷикистон заминаи татбиқи ислоҳоти куллиро фароҳам овард
ДУШАНБЕ, 06.11.2021 /АМИТ «Ховар»/. Бо қабули санади ҳаётан муҳим- Конститутсияи Ҷумҳурии Тоҷикистон соҳибихтиёрии комил ва воқеии Тоҷикистон ҳамчун давлати демократӣ, ҳуқуқбунёд, дунявӣ ва ягона қонунан расмӣ гардид. Ин нуктаро Раиси Бонки миллии Тоҷикистон Ҳоким Холиқзода дар ҷаласаи тантанавие, ки дар БМТ ба ифтихори 27 – умин солгарди қабули Конститутсияи Ҷумҳурии Тоҷикистон доир гардид, зикр намуд.
Ба АМИТ «Ховар» аз БМТ иттилоъ доданд, ки Раиси Бонки миллии Тоҷикистон Ҳоким Холиқзода Конститутсияро санади сарнавиштсози ҳар миллати озодандеш, рамзи саодат ва давлати соҳибихтиёри миллӣ, нишонаи пойдорию бақои давлату миллат маънидод намуд.
Тазаккур дода шуд, маҳз Конститутсия заминаи татбиқи ислоҳоти куллӣ дар мамлакатро фароҳам овард, ки ҳадафи асосии он боло бурдани сатҳи иқтисодиёт, коҳиш додани сатҳи камбизоатӣ ва фароҳам овардани шароити мусоиди бозаргонӣ дар ҷумҳурӣ барои соҳибкорони ватанӣ ва хориҷӣ мебошад.
«Ғояҳои арзишманди Конститутсияи Ҷумҳурии Тоҷикистон боис гардиданд, ки бо эътирофи созмонҳои бонуфузи байналмилалӣ, назири Созмони Милали Муттаҳид ва Созмони Амният ва Ҳамкорӣ дар Аврупо он ба сифати яке аз намунаҳои беҳтарини конститутсияҳо дар ҷаҳон пазируфта шавад»,-гуфт Ҳоким Холиқзода.
Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода оид ба таърихи таҳия ва қабули Конститутсияи Ҷумҳурии Тоҷикистон сухан намуда, дар ин самт заҳматҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба таври хоса зикр намуд. Мавсуф афзуд, ки раванди таҳияи Конститутсияи Ҷумҳурии Тоҷикистон дар марҳилаи басо душвор бо супориш ва роҳнамоии бевоситаи Пешвои миллат муҳтарам Эмомалӣ Раҳмон оғоз гардид. Таҳияи Конститутсия ва ба муҳокимаи халқ гузоштани он ҳалли маҷмӯи масъалаҳои муҳимро тақозо менамуд. Аз ҷумла, дар робита ба ҳар меъёри он баҳсҳо сурат мегирифт ва дар ин раванд Сарвари давлат муҳтарам Эмомалӣ Раҳмон ҳамеша таъкид менамуданд, ки инсон ва ҳуқуқу озодии ӯ бояд ҷавҳари асосии Конститутсияи Ҷумҳурии Тоҷикистонро ташкил диҳад.
Дар ҷаласа ҳамчунин оид ба меъёрҳои алоҳидаи Конститутсияи Ҷумҳурии Тоҷикистон, тағйироту иловаҳои ба он воридгардида ва мазмуну муҳтавои онҳо табодули назар сурат гирифт.
АКСҲО: БМТ
Дар вилояти Суғд нақшаи ҷамъоварии пахта беш аз 131 ҳазор тонна пешбинӣ гардидааст
РУШДИ ПАРВАРИШИ ПАВЛОВНИЯ ДАР ТОҶИКИСТОН. Як дарахти он метавонад 22 кг гази карбонро фурӯ бурда, 6 кг оксиген хориҷ намояд
Ҳамкории Тоҷикистон бо Созмони озуқаворӣ ва кишоварзии СММ дар самти муҳити зист баррасӣ гардид
Дар Тоҷикистон ҷамъоварии ҳосили лимӯ оғоз шуд
Имсол ба Вилояти Мухтори Кӯҳистони Бадахшон беш аз 40 ҳазор сайёҳ ворид гардид
Байни Тоҷикистон ва Русия дар самти амнияти иттилоотӣ ва коммуникатсионӣ Ёддошти тафоҳум ба имзо расид
Вазирони рушди иқтисоди Тоҷикистон ва Русия амалисозии Харитаи роҳ оид ба густариши ҳамкории тиҷоратию иқтисодиро зарур шумориданд
Доир ба тақвияти ҳамкории Тоҷикистон ва Русия дар соҳаи нақлиёт санади нави ҳамкорӣ ба имзо расид
Агентии инноватсия ва технологияҳои рақамии назди Президенти Тоҷикистон барои рушди зеҳни сунъӣ тадбирҳои амалӣ меандешад
Сарвари давлат Эмомалӣ Раҳмон: «Шумораи сайёҳон аз Русия ба Тоҷикистон афзоиш ёфтааст»
Таҳкими ҳамкорӣ байни Тоҷикистон ва Комиссияи иқтисодии СММ барои Аврупо дар самтҳои рақамикунонии соҳаи сохтмон баррасӣ гардид
ҚУРБИ АСЪОР: 1 доллари ИМА аз 9.2916 то 9.3500 сомонӣ муқаррар шудааст
