Рамазон Раҳимзода: Парчам рамзи сулҳу субот ва сарҷамъии миллати тоҷик аст

Ноябрь 23, 2021 09:16

ДУШАНБЕ, 23.11.2021 /АМИТ «Ховар»/. 22 ноябр Вазири корҳои дохилӣ Рамазон Раҳимзода зимни вохӯрӣ бо ҷавонони фаъоли мамлакат бахшида ба Рӯзи Парчами давлатии Ҷумҳурии Тоҷикистон парчамро рамзи сулҳу субот ва сарҷамъии миллати тоҷик унвон кард.

Тавре аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд, Вазири корҳои дохилӣ зикр кард, ки «Парчами давлатӣ рамзи сулҳу субот ва сарҷамъии миллати тоҷик буда, имрӯзи моро бо ояндаи дурахшон мепайвандад ва миллати фарҳангсолору тамаддунофари тоҷик ба он арҷу эҳтиром мегузорад. Зеро ҳифзи парчам ва эҳтиром гузоштан ба он нишони ҳувияти миллӣ ва ватандӯстдорӣ буда, шаҳрвандони Тоҷикистон низ аз ибтидои қабули Парчами давлатӣ ҳамеша онро муқаддас дониста, парафшон будани онро нишони зиндагии шоистаи хеш медонанд».

Дар ҷараёни вохӯрӣ Вазири корҳои дохилӣ оид ба баланд бардоштани савияи дониш, ҳувияти миллӣ, гиромӣ доштани муқаддасоти миллӣ, ватандӯстӣ, инчунин пешгирии шомилшавии ҷавонон ба гурӯҳҳои террористиву экстремистӣ ибрози андеша намуд.

Зикр гардид, ки ҷавонон бояд мафҳумҳои Ватан-Модар, муқаддасоти миллӣ, аз қабили Парчам, Нишон ва Суруди миллиро дарк намоянд ва вобаста ба онҳо бо ҳувияти миллию ҳисси ватандӯстӣ бедору қавитар гарданд.

«Он арзишҳои миллӣ, сулҳу субот ва тинҷию оромӣ, ки бевосита бо ҷонбозиҳою заҳматҳои беназири Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба даст омадаанд, ҷавононро водор менамоянд, ки давомдиҳандаи сиёсати пешгирифтаи Президенти мамлакат  бошанд ва барои рушду ободӣ ва пешрафти кишвари азизамон саҳми арзанда гузоранд»,-иброз дошт Р.Раҳимзода.

Дар хотимаи вохӯрӣ ҷавонони фаъол бо шукргузорӣ аз тинҷию осудагии кишвар изҳор доштанд, ки ҷавобан ба дастгирию ғамхориҳои Роҳбари Давлат ва шароити фароҳамшуда омодаанд ба Ватан ва давлату миллат содиқона хизмат намоянд.

Ёдовар мешавем, ки тоҷикон аз қадим мардуми парчамбардору соҳибдавлат буда, Парчами нави давлатии Ҷумҳурии соҳибистиқлоли Тоҷикистон 24 ноябри соли 1992 дар иҷлосияи Шӯрои Олӣ тасдиқ карда шудааст.

АКС: ВКД ҶТ

Ноябрь 23, 2021 09:16

Хабарҳои дигари ин бахш

Дар Коллеҷи технологии шаҳри Душанбе 5 синфхонаи иловагӣ ба истифода дода мешавад
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Соли равон 37 муассисаи таҳсилоти ибтидоии касбӣ таъмир ва навсозӣ мегардад
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд