САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд

Ноябрь 15, 2021 10:10

ДУШАНБЕ, 15.11.2021 /АМИТ «Ховар»/.  Дар рӯзи сеюми Чемпионати ҷаҳон оид ба самбо дар шаҳри Тошканди Ҷумҳурии Узбекистон Табрезшоҳ Парпишоев дар мусобиқаи самбои размӣ дар вазни 79кг ба гирифтани ҷои сеюми ифтихорӣ мушарраф шуд. Ӯ дар нимфинал аз варзишгари мизбон Фурқат Рӯзиев мағлуб гардид, хабар доданд аз Кумитаи миллии олимпии Тоҷикистон ба шореҳи варзиши АМИТ «Ховар».

Ҳамин тариқ, дастаи  мунтахаби самбои Тоҷикистон чемпионати ҷаҳонро бо се медал – 1 тилло, 1 нуқра, 1 биринҷӣ анҷом дод. Тавре қаблан хабар дода будем, дар рӯзи аввали рақобатҳо дар самбои варзишӣ Акмалиддин Каримов (-58кг) ба гирифтани медали тилло, Хушқадам Хусравов (-64кг) ба гирифтани медали нуқра мушарраф шуданд.

Хотиррасон  мешавем, ки  Чемпионати ҷаҳон оид ба самбо 12-14 ноябр дар шаҳри Тошканди Ҷумҳурии Узбекистон баргузор шуд. Аз Ҷумҳурии  Тоҷикистон  12 нафар – 11 мард ва як бону дар ин мусобиқа ширкат карданд.

Фонди ҷоизавии Чемпионати ҷаҳон оид ба самбо 231 000 долларро ташкил дод. Чемпионҳо 4000 доллари ИМА, барандагони медали нуқра 3000 доллар ва барандагони медали биринҷӣ 2000 доллари ИМА ҷоиза гирифтанд.

Акмалиддин Каримов нафари панҷум аст, ки дар замони соҳибистиқлолии кишвар дар намуди самбо ба дарёфти унвони чемпиони ҷаҳон шарафёб мешавад. Соли 2005 Сайриддин Икромов, соли 2009 Эраҷ Раҳимов дар самбои размӣ, соли 2017 Беҳрӯз Хоҷазода ва соли 2018 Хушқадам Хусравов дар самбои варзишӣ чемпиони ҷаҳон шуда буданд.

Самбочиёни мо аз соли 1993 дар чемпионати ҷаҳон иштирок мекунанд ва то имрӯз 48 медал – 5 тилло, 16 нуқра, 27 биринҷӣ ба даст овардаанд.

                                                                                                                                      АКСҲО: ТВ «Варзиш»

Ноябрь 15, 2021 10:10

Хабарҳои дигари ин бахш

Бахшида ба Соли нав ба ниёзмандони ноҳияи Шуғнон кумак расониданд
КИ ҲХДТ дар Хатлон ба кӯдакони имконияташон маҳдуд туҳфаҳои идона тақдим намуд
ОБУ ҲАВО: Имрӯз дар шаҳри Душанбе ҳаво 8+10 дараҷа гарм мешавад
Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд
Дар арафаи Соли нав ба оилаҳои ниёзманд, маъюбон ва беморони ноҳияи Фирдавсӣ кумак расонида шуд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
Дар арафаи Соли нав дар ноҳияи Фирдавсӣ ташкилоти ибтидоии ҲХДТ бо номи «Ватандор» таъсис ёфт
Туҳфаҳои идонаи Пешвои миллат ба 36 нафар хонандагони Мактаб-интернати ноҳияи Лахш тақдим гардиданд
Дар шаҳрҳои Хуҷанд, Истиқлол, Бӯстон ва Гулистони вилояти Суғд ярмарка-фурӯши маҳсулоти кишоварзӣ оғоз гардид
Ба Маркази вилоятии ҳимояи аҳолӣ аз бемории сили №2 ва Маркази вилоятии равонпизишкии шаҳри Кӯлоб кумак расонида шуд
Оилаи соҳибкорон Сатторовҳо ба хонандагони ятиму маъюб ва ниёзманди Литсейи касбӣ-техникии Ҳисор кумак намуданд
Ба Маркази дастгирии оила ва кӯдаки №2 таҷҳизоти маишӣ тақдим гардид