Толибон 4 нафар иштирокчии ҳамла ба бемористони ҳарбии Кобулро маҳв намуданд

Ноябрь 3, 2021 12:47

ДУШАНБЕ, 03.11.2021 /АМИТ «Ховар»/. 4 тан аз 6 нафар иштирокчиёни ҳамла ба бемористони ҳарбии Кобул аз ҷониби ҷангҷӯёни ҳаракати «Толибон»* кушта шуданд. Тавре АМИТ «Ховар» бо истинод ба  INTERFAX.RU хабар медиҳад, дар ин бора намояндаи ҳаракати Ҳикматулло Ҷамол ба рӯзноманигорон иттилоъ додааст. Ба гуфтаи ӯ, кушташудагон миёни мардуми одӣ, ки дар натиҷаи ҳамла ба бемористони ҳарбии ба номи Сардор Муҳаммад Довуд Хон ба амал омад, зиёданд. Новобаста ба ин ӯ рақами мушаххасеро нагуфт. 

Қаблан ВАО-и маҳаллӣ дар бораи марги 23 тан ва захмӣ шудани 50 нафар иттилоъ дода буданд. Агентии итилоотии Aamaj News бо истинод ба сарчашмаҳо аз марги 19 нафар ва захм бардоштани 43 тани дигар хабар дод. Маъмурияти Маркази тиббии ғайридавлатии «Emergency» дар Кобул дар Твитер навиштааст, ки ба назди онҳо 9 нафарро овардаанд.

Сардори маркази матбуоти ВКД-и толибон Қорӣ Саид Хостӣ иттилоъ дод, ки таркиш дар назди даромадгоҳи бемористони ҳарбии ба номи Сардор Муҳаммад Довуд Хон дар ноҳияи 10-уми Кобул ба амал омадааст.

Ягон гурӯҳи мусаллаҳи амалкунанда дар Афғонистон масъулияти ин ҳамларо ба дӯш нагирифт.

____________________________

*«Толибон»-ҳаракати радикалии террористӣ, ки дар Тоҷикистон   мамнӯъ аст

АКС аз манбаҳои боз

Ноябрь 3, 2021 12:47

Хабарҳои дигари ин бахш

Эммануэл Макрон дар интихоботи Фаронса пас аз ҳисоби садфоизаи овозҳо пирӯз шуд
ДАР ФАРОНСА — БОЗ ХУРУҶИ ЗУКОМИ ПАРАНДА. АМИТ «Ховар» ёдовар мешавад, ки ин чӣ гуна вирус аст
Oxfam: таваррум 260 миллион нафарро дар фақри шадид қарор медиҳад
Шаҳбоз Шариф сарвазири нави Покистон интихоб гардид
Дар Москва Владимир Жириновский аз олам даргузашт
«МАКТАБҲОРО КУШОЕД!». Духтарони афғон ба эътироз баромаданд
АФҒОНИСТОН БАДБАХТТАРИН КИШВАРИ ҶАҲОН ЭЪЛОН ГАРДИД. Дар ин бора дар Гузориши умумиҷаҳонии СММ оид ба хушбахтӣ зикр шудааст
Имрӯз дар Туркманистон маросими савгандёдкунии президенти тозаинтихоб баргузор шуд
СММ: Ҷаҳонро бинобар воқеоти Украина гуруснагӣ таҳдид мекунад
ФАВРӢ! Сердар Бердимухамедов дар интихоботи президентии Туркманистон пирӯз гардид
Дар Покистон бар асари таркиш дар масҷид тақрибан 50 нафар кушта шуданд
Парлумони Арманистон Ваагн Хачатрянро президент нави ин кишвар интихоб кард