ТАРЗИ ҲАЁТИ СОЛИМ – МАРОМИ МОСТ! 10 дақиқа давидан кори майнаи сарро хеле беҳтар мекунад
ДУШАНБЕ, 13.12.2021 /АМИТ «Ховар»/. Давидан ба муддати 10 дақиқа кори майнаи сарро ба таври назаррас беҳтар ва инсонро болидахотир мекунад, иброз доштанд олимон аз Донишгоҳи Сукубаи Ҷопон. Тавре АМИТ «Ховар» хабар медиҳад, натиҷаи кори илмии худро онҳо дар маҷаллаи Scientific Reports ба нашр расонидаанд.
Ёдовар мешавем, ки Президенти Тоҷикистон, Пешвои миллат муҳтарам Эмомалӣ Раҳмон чанд соли охир аҳолии кишварро пайваста ба пешбурди тарзи ҳаёти солим (ТҲС) даъват менамоянд. «Минбаъд мо бояд ба оммавикунонии варзиш, тарзи ҳаёти солим ва тарбияи ҷисмонии бадан диққати аввалиндараҷа дода, барои таҳкими саломатии аъзои ҷомеа шароити боз ҳам беҳтар фароҳам созем»,- зикр намуданд Президенти мамлакат дар Паёми соли гузаштаи худ ба Маҷлиси Олии Ҷумҳурии Тоҷикистон.
Тавре АМИТ «Ховар» хабар дода буд, тибқи супориши Президенти ҷумҳурӣ Вазорати тандурустӣ ва ҳифзи иҷтимоии аҳолии Тоҷикистон чанде пеш ба Ҳукумаи ҶТ лоиҳаи миллии Барномаи ташкили тарзи ҳаёти солим дар Тоҷикистонро барои солҳои 2021-2025 таҳия ва пешниҳод намуд.
Қаблан директори Пажӯҳишгоҳи илмию клиникии стоматология ва ҷарроҳии ҷоғу рӯйи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Маҳмадулло ҚОСИМОВ (ДАР АКС дар мобайн) ба АМИТ «Ховар» гуфта буд, ки манфиати дави субҳгоҳӣ нисбат ба дигар намуди машқҳо ва парҳезҳо барои тамоми бадан, пурқувватии масуният ва лоғаршавии организм афзалтар аст. Ӯ чунин мешуморад, ки давидан қуввати баданро боло мебардорад, ки ин гувоҳи солимӣ ва тарзи ҳаёти солим доштан аст. Ба гуфтаи мавсуф, «дави саҳаргоҳӣ на натиҷаи кӯтоҳмуддат, балки дарозмуддат медиҳад. Талаботи асосии он пайваста машғул шудан ба он аст».
АКС: Pexels.com
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
