Ҳавои ду рӯзи охири соли 2021 дар Тоҷикистон чӣ гуна мешавад?

ДУШАНБЕ, 29.12.2021 /АМИТ «Ховар»/. Дар ду рӯзи охири соли 2021 дар тамоми ҷумҳурӣ ҳавои тағйирёбандаи асосан бебориш пешгӯӣ мешавад, иттилоъ дод ба АМИТ «Ховар» муовини директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Ҷамила Байдуллоева.

Дар вилояти Хатлон ду рӯзи охири моҳи декабр ҳаво шабона 0-5 дараҷа хунук, рӯзона 9+5 дараҷа гарм пешгӯӣ карда мешавад. Инчунин дар шаҳрҳои Кӯлоб ва Бохтар ҳаво тағйирёбандаи бебориш шуда, эҳтимоли фаромадани тумани тунук дар назар аст.

Дар ин рӯзҳо дар ноҳияҳои тобеи марказ ҳавои тағйирёбандаи бебориш мешавад. Дар баъзе ноҳияҳо  тормеғ (туман) мефарояд. Шамол аз самти ғарб бо суръати 4-9 метр дар як сония мевазад. Дар водиҳо шабона 0-5  дараҷа хунук, рӯзона 9+14 дараҷа гарм мешавад. Дар қисматҳои кӯҳӣ рӯзона 2-7 дараҷа хунук мешавад.

Дар ду рӯзи охири  соли равон дар қисматҳои кӯҳии вилояти Суғд шабона 10-16 дараҷа хунук, рӯзона 1-6 дараҷа хунук мешавад.

Дар Вилояти Мухтори Кӯҳистони Бадахшон ҳавои тағйирёбандаи бебориш дар назар аст. Дар ғарби вилояти шабона 9-14 дараҷа хунук, рӯзона 2-7 дараҷа хунук мешавад. Дар қисмати шарқи вилоят шабона 33-38 дараҷа хунук, рӯзона 13-18 дараҷа хунук мешавад.

Ду рӯзи охир дар шаҳри Душанбе ҳаво тағйирёбандаи бебориш дар назар аст. Ҳаво шабона 1-3 дараҷа хунук, рӯзона 7+10 дараҷа гарм мешавад.

АКС аз Дидор Саъдуллоев