Аз 1 январи соли 2022 сомонаи Агентии назорати давлатии молиявӣ ва мубориза бо коррупсия бо тарҳи нав фаъол мешавад

Декабрь 30, 2021 13:27

ДУШАНБЕ, 30.12.2021 /АМИТ «Ховар»/. Имрӯз дар Агентии назорати давлатии молиявӣ ва мубориза бо коррупсияи Ҷумҳурии Тоҷикистон рӯнамоии сомонаи расмии Агентӣ таҳти домени «anticorruption.tj» бо тарҳи нав баргузор гардид, ки аз 1 январи соли 2022 мавриди истифода қарор дода мешавад, иттилоъ медиҳад хабарнигори АМИТ “Ховар”.

Дар маросими рӯнамоӣ роҳбарияти Агентӣ ва кормандони ин ниҳод ҳузур доштанд. Зикр гардид, ки дар замони муосир иттилоот мавқеи хоссаро дар ҳаёти ҷамъиятӣ касб намуда, дар навбати худ фаъолияти мақомоти давлатӣ низ тавассути иттилоотонии ҷомеа амалӣ карда мешавад. Ҷумҳурии Тоҷикистон ҳамчун ҷузъи ҷудонашавандаи ҷомеаи ҷаҳонӣ дар зери таъсири ҷаҳонишавӣ ба равандҳои иттилоотии олам ворид гардида, дар самти ташаккули ҷомеаи иттилоотӣ корҳои назаррас анҷом додааст.

Муовини Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Музаффар Аҳмадзода иброз кард, ки бо ташаббуси бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакат якчанд қонунҳо, барномаҳо ва консепсияҳо қабул гардидаанд, ки дар раванди ташаккули технологияҳои иттилоотию коммуникатсионии мамлакат марҳилаи сифатан навро оғоз менамоянд.

Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳамчун мақомоти махсус ҷиҳати ташаккули ҷомеаи иттилоотӣ ва ба ин васила амалӣ намудани сиёсати пешгирифтаи давлату Ҳукумати мамлакат дар ин самт тадбирҳои заруриро роҳандозӣ намудааст.

Сардори шуъбаи муносибатҳои байналмилалии Маркази матбуот ва робита бо ҷомеаи Агентӣ  Шодком Турсунзода  афзуд, ки яке аз манбаъҳои асосии  иттилоотонии ҷомеа- ин сомонаи интернетӣ ба ҳисоб рафта, маҳз тавассути он шаффофият дар мақомоти давлатӣ таъмин мегардад. Сомонаи интернетии Агентӣ бо мақсади ҷалби ҳарчӣ бештари ҷомеаи шаҳрвандӣ дар масоили муқовимат бо коррупсия, таъмини шаффофият дар мақомот, иттилоотонии ҷомеа ва ба ин васила паст намудани шиддати коррупсия дар мамлакат заминаи мусоид фароҳам месозад.

“Сомонаи мазкур соли 2011 таъсис шуда, соли 2016 як маротиба тағйир ва манзури хонандагон гардонида шуд. Таҳлилҳо собит менамоянд, ки сомонаи расмии Агентӣ яке аз серхонандатарин  сомонаҳои далавтӣ ба ҳисоб рафта, мавриди таваҷҷуҳи ҷомеа, хусусан ВАО-и дохилӣ ва хориҷӣ қарор гирифтааст. Бо мақсади мутобиқ намудан ба талаботи замони муосир, сода ва оммафаҳм намудани манбаи иттилоот дар сомонаи Агентӣ тасмим гирифта шудааст, ки дар арафаи Рӯзи кормандони мақомоти давлатии молиявӣ ва мубориза бо коррупсияи Ҷумҳурии Тоҷикистон, ки ҳамасола 10 январ таҷлил карда мешавад,  сомонаи расмӣ дар таҳриру тарҳи нав омода ва мавриди истифода қарор дода шавад”, — гуфт Ш. Турсунзода.

Зикр гардид, ки сомонаи расмии мақомот бо назардошти риояи талаботи санадҳои меъёрии ҳуқуқии дахлдор бо тарҳи нав ва шакли муосир омода карда шудааст ва 1 январи соли 2022 мавриди истифода қарор дода мешавад.

Сипас видеонамоиш оид ба  фаъолияти сомона пешкаши иштирокдорон гардида, вобаста ба тартиби кори сомона ва роҳҳои истифодаи он маълумоти мухтасар дода шуд.

 

АКСҲО: АМИТ “Ховар”

Декабрь 30, 2021 13:27

Хабарҳои дигари ин бахш

Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид