Ба ниёзмандони ноҳияи Ёвон 33 аробаи маъюбӣ тақдим гардида, ба ятимон туҳфаҳои Президенти Тоҷикистон расонида шуданд

Декабрь 31, 2021 10:04

ЁВОН, 31.12.2021 /АМИТ «Ховар»/.  Бахшида ба Соли нави мелодӣ аз ҷониби масъулин ба 195 нафар ятимони Мактаб-интернати ҷумҳуриявии ноҳияи Ёвон туҳфаҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон, ки аз сарулибоси гарм,  пойафзолу шириниҳо иборат буданд, тақдим гардида, барои болидарӯҳии ятимон дар ошхонаи муассиса дасторхони идона ороста шуд. Дар ин бора директори Мактаб-интернати ҷумҳуриявии ноҳияи Ёвон Нуқра Ҳусейнова ба хабарнигори АМИТ «Ховар» иттилоъ дод.

 Ҳамчунин дар доираи ин ҷашн бо ташаббуси  мақомоти иҷроияи ҳокимияти давлатии ноҳияи Ёвон 20 адад аробачаҳои маъюбӣ ва бо дастгирии  Агентии ҳифзи иҷтимоии аҳолӣ 13 адад аробачаҳои маъюбӣ харидорӣ гардида, ба маъюбони ноҳия  дастрас намуданд.

Раиси ноҳияи Ёвон Ҷамшед Саидзода дар якҷоягӣ бо роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии ҳифзи иҷтимоии аҳолӣ ба Хонаи пиронсолон ва маъюбони ноҳия рафта, бо бошандагони ин даргоҳи умед суҳбати гарму самимӣ оростанд ва ба ҳар бошандаи Хонаи пиронсолон туҳфаҳои ҷашнӣ тақдим намуданд.

Роҳбарияти мақомоти иҷроияи ҳокимияти давлатии ноҳияи Ёвон дар доираи тадбирҳои хайрхоҳона як зумра ниёзмандонро аёдат намуда, ба онҳо маводи ғизоӣ ва туҳфаҳои солинавӣ доданд.

АКСҲО: Мақомоти иҷроияи ҳокимияти давлатии ноҳияи Ёвон

Декабрь 31, 2021 10:04

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
ПУРСИДЕД, ҶАВОБ МЕДИҲЕМ. Бақайдгирӣ ва аз қайд баровардани шаҳрванд аз ҷойи истиқомат чӣ гуна амалӣ мегардад?
Имрӯз дар водиҳои Тоҷикистон ҳаво то 23 дараҷа гарм мешавад
Теъдоди ҳалокшудагони заминларзаи Бангкок ба 20 нафар расид
Хонандагони тоҷик дар Олимпиадаи байналмилалии Infomatrix — Asia сазовори ҷойҳои намоён гардиданд
Теъдоди ҳалокшудагони заминларзаи Мянма ба 2056 нафар расид